BoA និងតារាល្បី ៤នាក់ទៀតក្លាយជាគ្រូបង្វឹកប្រចាំ The Voice of Korea រដូវកាលថ្មី

2020-04-28 01:41:24
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី The Voice of Korea ជាកម្មវិធីដែលទូរទស្សន៍ Mnet ទិញសិទ្ធិមកផលិត និងចាក់ផ្សាយដំបូងកាលពីឆ្នាំ ២០១២ សម្រាប់រដូវកាលទី១ និងរដូវកាលទី២ ឆ្នាំ២០១៣។ បន្ទាប់ពីប្រកាសពីការរៀបចំទម្រង់កម្មវិធីថ្មីសម្រាប់ឆ្នាំ ២០២០ ពេលនេះសមាសភាពគណៈកម្មការ (Judges) ត្រូវបានបង្ហាញជាផ្លូវការហើយ។

១. Kim Jong Kook

តារាប្រុសរូបនេះជាតារាប្រុសដែលមានអ្នកស្គាល់ច្រើន និងរួសរាយបំផុតប្រចាំពិភពសិល្បៈប្រទេសកូរ៉េ ហើយបានមកក្លាយខ្លួនជាគ្រូបង្វឹកទៀត លោកបាននិយាយថា ខ្លួនពិតជាសប្បាយចិត្ត ព្រោះនេះជាឱកាសពិសេសដែល លោកអាចជួបអ្នកមានសមត្ថភាពថ្មីៗជាច្រើននាក់។

២. BoA

BoA ត្រូវបានគេលើកថាជា “K-Pop Queen” ក្នុងចំណោមតារាចម្រៀងទោល (ផ្នែកស្រី) ដែលធ្វើឲ្យមនុស្សជាច្រើនចាប់អារម្មណ៍ដំបូងគេក្នុងវិស័យនេះ។ ពេលនេះនាងក៏ត្រូវមានមុខក្លាយជាគ្រូបង្វឹកពន្លកសិល្បៈជំនាន់ថ្មី។ នាងបាននិយាយថា នឹងខិតខំស្វែងគ្រាប់ពេជ្យដែលមានសមត្ថភាពអស្ចារ្យ ព្រមទាំងជួយបង្ហាត់ពួកគេបន្ថែម ដើម្បីក្លាយជាតារាចម្រៀងឈានមុខក្នុងវិស័យនេះ។

៣. Sung Sikyung

តារាចម្រៀងរូបនេះវិញ ក៏មិនធម្មតាដែរ ដោយសារទឹកដមសំឡេងផ្អែមត្រជាក់របស់លោក Sikyun ត្រូវឲ្យរហស្សនាមថា «Emperor of Ballads»។ ជាក់ស្ដែង លោកក៏បានតាំងចិត្តមុតមាំដែរក្នុងការស្វែងរកបេក្ខជនដែលពូកែ និងមានស្ទីលច្រៀងបែបសង់ទីម៉ង់ដូចលោកមកបង្វឹកបន្ថែម។

៤. Dynamic Duo

ចុងក្រោយគេនេះ គឺក្រុម Dynamic Duo ក្រុមចម្រៀងល្បីមួយក្រុមប្រចាំពិភព Hip Hop របស់កូរ៉េ។ វត្តមានពេលនេះ នឹងក្លាយជាពេលវេលាអស្ចារ្យដំបូងប្រចាំកម្មវិធី The Voice of Korea ដែលមានក្រុមចម្រៀងមកធ្វើជាគ្រូបង្វឹក។ ពួកគេសង្ឃឹមថានឹងបានជួបជើងខ្លាំងជាច្រើននាក់ ដែលចង់ក្លាយខ្លួនជាតារាចម្រៀងនៅពេលអនាគត៕

ប្រភព៖ Koreaboo ប្រែសម្រួល៖ យី សុធារី