ទ្រាំនៅផ្ទះលែងបាន ហេង ស្រីពេជ្រ សម្រេចចិត្ដចេញថតទៀតហើយ!

2020-05-05 03:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសាច់សទ្រលុកទ្រលន់ ហេង ស្រីពេជ្រ នឹងចេញថតរឿងចាប់ពីថ្ងៃទី២៧ ខែឧសភា ខាងមុខនេះទៀតហើយ ក្រោយពីនាងបានផ្អាកថតជិតពីរខែដោយសារបញ្ហាជំងឺកូវីដ-១៩។

ហេង ស្រីពេជ្រ កំពុងសម្ងំរស់នៅឯស្រុកកំណើតដើម្បីគេចចេញពីជំងឺកូវីដ-១៩ ប៉ុន្តែដោយការនឹករលឹកនឹងអាជីពសម្ដែង ហើយប្រភពចំណូលផ្ទាល់ខ្លួនត្រូវបានកាត់បន្ថយផងនោះ នាងក៏សម្រេចចិត្តចេញថតឡើងវិញ។

នាងនិយាយថា នៅដើមឆ្នាំ២០២០ នេះ នាងត្រូវប៉ាន់ខាងតួសេដ្ឋី និងតួបងស្រី តែដោយសារកូវីដ-១៩ រឿងខ្លះបានថតចប់ និងខ្លះទៀតថតបានតែពាក់កណ្ដាលក៏ផ្អាកទៅវិញ។

នៅដើមឆ្នាំ២០២០ នេះ ស្រីពេជ្រ បានថតបញ្ចប់រឿងអប់រំខ្លីមួយដែលមានចំណងជើងថា"វង្វេង" ឲ្យស្ថានីយទូរទស្សន៍ហង្ស មាស ដែលគ្រោងនឹងចាក់បញ្ចាំងនៅក្នុងខែឧសភានេះ។

រូបភាព៖ ហ្វេសប៊ុក ហេង ស្រីពេជ្រ

រីឯរឿងពីរទៀត គឺរឿង"ឥទ្ធិពលស្នេហ៍ក្នុងភ្លើងបណ្ដាសា" របស់ស្ថានីយទូរទស្សន៍ ភី អិន អិន និងរឿង"ផ្ទះវិមាន" របស់ស្ថានីយទូរទស្សន៍បាយ័ន នាងនឹងចាប់ផ្ដើមថតពីចុងខែឧសភា រហូតដល់ចប់តែម្ដង៕

អត្ថបទ៖ ជិន សុភ័ក្ដ្រ