តារាកូរ៉េ-ចិន ទោះមុខស កខ្មៅ តែពេលថតរូបមាន Flash ចំនួនតិចបំផុត នៅតែស្អាត

2020-05-07 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចង់ដឹងថាស្បែកមុខពិតរបស់សិល្បករ សិល្បការិនីមានសភាពយ៉ាងណា ទស្សនិកជនអាចឆ្លុះមើលបានតាមរយៈកម្រងរូបភាពក្រោមពន្លឺភ្លើង flash កាមេរ៉ាបាន។

ទោះបីជាដឹងថា កម្រងរូបភាព ដែលអ្នកគាំទ្រ ក៏ដូចជារូបភាពដែលផលិតកម្មរបស់តារាផ្ទាល់បង្ហោះលើបណ្ដាញសង្គមសុទ្ធតែបានឆ្លងកាត់ការ edit ឲ្យបានស្អាតជាងមុនក៏ដោយ ក៏ទស្សនិកជនមិននឹកស្មានដែរថា រូបពិតរបស់សិល្បករទាំងនេះ ខុសប្លែកដល់កម្រិតនេះដែរ។ ជាក់ស្ដែងក្រោមពន្លឺភ្លើង Flash របស់កាមេរ៉ា មិនថាតារាប្រុសស្រី ចិន ឬកូរ៉េ សុទ្ធតែត្រូវធ្លាយស្បែកមុខសជាងខ្លួន ឬស្បែកមិនស្អាតជាដើម។

តាមនោះដែរ ទោះបីជាកំពូលតារាមួយចំនួនដូចជា Zhao Wei, Zhao Li Ying ក៏គេចមិនផុតពីការធ្លាយស្បែកមុខមិនស្អាតដោយសារភ្លើង Flash ដែរ។ ដោយនៅពេលស្ថិតក្រោមពន្លឺខ្លាំងដូចនេះ គេសង្កេតឃើញថា សិល្បករទាំងនេះ មានស្បែកគ្រើម មានពណ៌មិនស្មើ ឬផាត់មុខក្រាស់ឃ្មឹកជាដើម។

ទោះជាយ៉ាងណាក៏ដោយ ក៏នៅមានតារាមួយចំនួនតូច ដែលទោះបីជា ស្ថិតក្រោមពន្លឺភ្លើង Flash ខ្លាំងយ៉ាងណាក៏ដោយ ក៏នៅតែរក្សាបានសម្រស់ស្អាតឥតខ្ចោះ។ តារាទាំងនេះរួមមាន Irene, Yoona, Suzy និង Lisa៕