Cech ចាត់ទុក Rooney ជាគូប្រជែងស្វិតស្វាញបំផុតក្នុងអាជីព

2020-05-11 05:06:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកិច្ចសម្ភាសន៍លើគេហទំព័រផ្លូវការរបស់ Chelsea អតីតអ្នកចាំទីឆ្នើមក្រុមតោខៀវ Petr Cech បានចាត់ទុកអតីតខ្សែប្រយុទ្ធ Man Utd និង Everton ជាគូប្រជែងស្វិតស្វាញបំផុត ដែលគេជួបប្រទះក្នុងអាជីពបាល់ទាត់។

Cech និយាយថា ៖«គឺ Wayne Rooney។ រាល់ពេលពួកយើងលេងជាមួយ Man Utd ខ្ញុំត្រូវច្បាស់ខ្ញុំត្រូវដឹងគ្រប់ពេល ពេលគាត់បានបាល់ ព្រោះមិនអាចស្មានគាត់ដឹង (Unpredictable) ហើយឆ្លាត។ គាត់ជាកីឡាករម្នាក់ ចេះដេញ ប្រជែង រត់ ឆ្លាតខាងបញ្ចប់ទី។ គាត់អាចរកគ្រាប់បាល់នៅពាក់កណ្ដាលតារាង គាត់នឹងព្យាយាមយកឈ្នះអ្នក ទោះអ្នកខ្ពស់ក៏ដោយ។ នោះជាការប្រជែង ដែលខ្ញុំចូលចិត្ត»។

អ្នកចាំទីវ័យ៣៧ឆ្នាំចូលនិវត្តរូបនេះ បានបង្ហាញខ្លួនឱ្យ Chelsea និង Asrenal នៅ Premier League ចំនួន ៤៤៣ប្រកួត និងឈ្នះពានអង់គ្លេសជាច្រើនរួមទាំងជួយឱ្យ ក្រុមតោខៀវឈ្នះពាន Champions League នៅឆ្នាំ២០១២ទៀតផង។ Petr Cech បានព្យួរស្រោមដៃនៅត្រឹមក្លឹប Arsenal នៅឆ្នាំ២០១៩ ខណៈបច្ចុប្បន្នជាទីប្រឹក្សាបច្ចេកទេសរបស់ក្លឹប Chelsea៕

ប្រភព៖ Goal ប្រែសម្រួល៖ អ៊ុំ សុភក្តិ