ភ្ញាក់ផ្អើល! អតីតនាយករដ្ឋមន្ត្រីអង់គ្លេសធ្លាប់បញ្ចូលសំឡេងក្នុង The Simpsons
- 2020-05-25 09:15:11
- ចំនួនមតិ 0 | ចំនួនចែករំលែក 0
ភ្ញាក់ផ្អើល! អតីតនាយករដ្ឋមន្ត្រីអង់គ្លេសធ្លាប់បញ្ចូលសំឡេងក្នុង The Simpsons
ចន្លោះមិនឃើញ
អតីតនាយករដ្ឋមន្ត្រីចក្រភពអង់គ្លេស លោក Tony Blair ធ្លាប់បានបញ្ចូលសំឡេងនៅក្នុងរឿងតុក្កតាចំណាស់ជាង ៣០ឆ្នាំ The Simpsons កាលពីលោកនៅកាន់តំណែងតែម្ដង កាលពីឆ្នាំ២០០៣។
លោកបានបញ្ចូលសំឡេងក្នុងវគ្គ "The Regina Monologue'' ដែលនិយាយអំពីគ្រួសារត្រកូល Simpsons ទៅដើរលេងនៅចក្រភពអង់គ្លេស។ បើតាមការចុះផ្សាយរបស់ CNN បានឲ្យដឹងថា អតីតនាយករដ្ឋមន្ត្រីអង់គ្លេសរូបនេះ ចូលចិត្តមើលរឿងតុក្កតានេះខ្លាំងណាស់ ហើយថែមទាំងមើលជាមួយកូនៗរបស់លោកទៀតផង។
ចំណែករឿងរ៉ាវក្រៅឆាកវិញ លោក Blair បានថតសំឡេងតាំងពីខែមេសា ឯវគ្គនោះវិញចាក់បញ្ចាំងនៅខែវិច្ឆិកា ឆ្នាំ២០០៣។ នៅកាលនោះដែរ នាយកផ្នែកទំនាក់ទំនងសាធារណៈរបស់លោកនាយករដ្ឋមន្ត្រី Blair បានសង្កត់ធ្ងន់ទៅកាន់អ្នកផលិតរឿងថា ការបង្ហាញខ្លួនរបស់លោក Blair ក្នុងតុក្កតាគឺ ចង់លើកកម្ពស់វិស័យទេសចរណ៍នៃប្រទេសអង់គ្លេស។
គួរបញ្ជាក់ផងដែរថា រឿង The Simpsons ជារឿងតុក្កតាជាកំណត់ត្រាពិភពលោក ខាងមានតារាកិត្តិយសច្រើនជាងគេលើលោក ដោយសរុបទាំងអស់មាន ៨១០រូប ក្នុងរយៈពេលជាង ៣០ឆ្នាំរបស់លោក។ ក្នុងនោះដែរ មានតែនាយករដ្ឋមន្ត្រី Tony Blair ប៉ុណ្ណោះ ដែលជាប្រមុខរដ្ឋាភិបាលតែមួយគត់ ដែលបានបង្ហាញក្នុងរឿងនេះ៕
ខាងក្រោមនេះជាឈុតរបស់លោក Tony Blair៖