ជនជាតិខ្មែរមួយរូប បាត់បង់ជីវិតដោយសារជំងឺកូវីដ-១៩

2020-05-30 03:01:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនជាតិខ្មែរ ដែលជាកងទ័ពកម្ពុជា ស្ថិតក្នុងចំណោមកងទ័ពមួកខៀវ ២នាក់នៅប្រទេសម៉ាលី ដែលបានបាត់បង់ជីវិតដោយជំងឺកូវីដ-១៩ នេះបើតាមការលើកឡើងរបស់អគ្គលេខាធិការនៃអង្គការសហប្រជាជាតិ Antonio Guterresក្នុងទិវាអន្តរជាតិកងទ័ពរក្សាសន្តិភាព ២៩ ឧសភា។

រូបភាព៖ មជ្ឈមណ្ឌលជាតិរក្សាសន្តិភាព

បើតាមប្រសាសន៍របស់លោកបានឲ្យដឹងថា កងទ័ពមួកខៀវ ២នាក់នោះមានម្នាក់មកពីកម្ពុជា ហើយម្នាក់ទៀតមកពីប្រទេសអែលសាល់វាឌ័រ។ ពួកគាត់ពីរនាក់ជាសមាជិកនៃបេសកកម្មអង្គការសហប្រជាតិរក្សាសន្តិភាពនៅប្រទេសម៉ាលី។

អ្នកនាំពាក្យក្រសួងការពារជាតិកម្ពុជា នាយឧត្ដមសេនីយ៍ ឈុំ សុជាត ក៏បានបញ្ជាក់ពីរឿងនេះដែរ ដោយបានមានប្រសាសន៍ថា កងទ័ពមួកខៀវខ្មែរ ដែលបានបាត់បង់ជីវិតនោះគឺឈ្មោះ ស សាវី មានឋានន្តរស័កជាឧត្ដមសេនីយ៍ទោ (ផ្កាយ២)។

គិតត្រឹមពេលនេះដែរ មានកងទ័ពមួកខៀវខ្មែរចំនួនជាង ៨០០នាក់ បំពេញបេសកកម្មនៅប្រទេសចំនួន ៤ ដូចជា លីបង់ ស៊ូដង់ខាងត្បូង ម៉ាលី និងសាធារណរដ្ឋអាហ្វ្រិកកណ្ដាល៕

អត្ថបទ៖ ហ៊ីម រស្មី