លោក Pochettino៖ បាល់ទាត់នៅអង់គ្លេសបានផ្លាស់ប្ដូរ ដោយសារតែលោក

2020-06-02 01:06:34
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Mauricio Pochettino អតីតគ្រូបង្គោលក្លឹប Southampton បាននិយាយកាលពីពេលថ្មីៗនេះថា កាលពីលោកដឹកនាំក្លឹបនេះ លោកបានផ្លាស់ប្ដូរការគិតអ្នកគាំទ្រនៅ Premier League ឲ្យងាកមកមើលឃើញពីសមត្ថភាពរបស់កីឡាករក្មេងៗ។

លោក Pochettino បាននិយាយថា៖" បាល់ទាត់នៅអង់គ្លេសចាប់ផ្ដើមផ្លាស់ប្ដូរចេញពីក្លឹបដែលខ្ញុំដឹកនាំ កាលពីកំឡុងឆ្នាំ២០១៣-១៤ ហ្នឹងមក ដោយមិនមានក្លឹបណាគិតអញ្ចឹងទេ។ ពេលដែលខ្ញុំមកដឹកនាំ ចេះបានលោក Nicola Cortese ជាប្រធានក្លឹបមួយហ្នឹង ដែលបានផ្ដល់អ្វីៗដល់ខ្ញុំ ដើម្បីបង្កើតបរិយាកាសមួយដ៏អស្ចារ្យនៅអង់គ្លេសហ្នឹង។"

គ្រូបង្គោលរូបនេះក៏បានបន្តថា៖" អញ្ចឹងហើយយើងក៏ចាប់ផ្ដើមរកបានកីឡាករមួយក្រុម ដែលចង់ហ្វឹកហាត់ពីបទពិសោធន៍ដែលធ្លាប់មាន យើងក៏បានយកពួកគេពីអេស្ប៉ាញមក ពួកគេសុទ្ធតែជាកីឡាករ ដែលមានសមត្ថភាពហើយ មានរបៀបលេងខុសៗគ្នា ដែលបាល់ទាត់អង់គ្លេសធ្លាប់មាន។"

Pehcettino ក៏បានបន្ថែមថា ពួកគេហ្នឹងហើយជាកីឡាករវ័យក្មេងៗ ដែលចាប់ផ្ដើមលិចចេញមក ហើយអ្នកទស្សនាក៏ចាប់មើលឃើញ និងឲ្យតម្លៃ លុះរហូតមកសូម្បីតែបាល់ទាត់អង់គ្លេសជម្រើសជាតិក៏ចាប់ផ្ដើមមានក្មេងៗចូល៕

ប្រភព៖ Dailymail ប្រែសម្រួល៖ ហ៊ីម រស្មី