ជំងឺ​អេបូឡា​ប្រភេទថ្មីមួយ ត្រូវបាន​ប្រកាស​នៅក្នុង​សាធារណរដ្ឋប្រជាធិបតេយ្យ​កុងហ្គោ កាលពីថ្ងៃទី​១ ខែមិថុនា ឆ្នាំ​២០២០ ដោយជំងឺនេះ​បាន​ផ្ទុះនៅភាគខាងកើតប្រទេស។

លោក Eteni Longondo រដ្ឋមន្រ្តីសុខាភិបាល​ ឱ្យដឹងថា មនុស្ស​ ៤នាក់​ដែល​បានស្លាប់​នៅ​ក្រុង Mbandaka ត្រូវបាន​ធ្វើតេស្តរកឃើញវិជ្ជមានជំងឺអេបូឡាប្រភេទថ្មី នៅក្នុងមន្ទីរពិសោធន៍ជាតិ។ «យើង​មាន​ជំងឺរាតត្បាត​អេបូឡាប្រភេទថ្មីមួយ នៅក្រុង Mbandaka។ យើង​នឹងបញ្ជូនវ៉ាក់សាំង និងថ្នាំពេទ្យ ទៅកាន់ក្រុងនោះ​យ៉ាងឆាប់រហ័ស»។

ពាក់ព័ន្ធ​នឹង​ការផ្ទុះ​ជំងឺនេះ លោក Tedros Adhanom Ghebreyesus ប្រធាន​អង្គការ​សុខភាព​ពិភពលោក បាន​បង្ហោះ​នៅលើបណ្តាញទ្វីតធើថា ការផ្ទុះនៃជំងឺថ្មីនេះ គឺជាការ​ក្រើនរំលឹក​មួយថា កូវីដ១៩ មិន​មែន​ជាជំងឺតែមួយគត់​ដែលគំរាម​ដល់ជីវិតមនុស្សឡើយ៕

ប្រភព៖ Kley Kley