ប្រិយមិត្តភ្លេចខ្លួន ណាត់ បូរី ទទួលបានចំណងដៃកូនស្រីម្នាក់ មុខមាត់ Cute អស់ទាស់!

2020-06-30 02:35:16
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលថ្មីៗនេះ មានដំណឹងចេញមកថា តារាសម្ដែងលោក ណាត់ បូរី ទទួលបានកូនស្រីជាទីស្រឡាញ់ម្នាក់ហើយ ក្រោយលោកសម្រេចបានចិត្តចូលរោងការបញ្ចប់ភាពនៅលីវជាមួយកូនអ្នកជំនួញនៅក្រុងបាវិតកាលពីចុងឆ្នាំ២០១៩ កន្លងទៅ។ ចំណុចគួរឲ្យចាប់អារម្មណ៍ កូនស្រីតូចរបស់តារាប្រុស មានមុខមាត់ Cute អស់ទាស់តែម្ដង។

លោក បុរី បានបញ្ចេញដំណឹងមង្គលនេះរបស់លោកនៅលើបណ្ដាញសង្គម ធ្វើឲ្យប្រិយមិត្ត អ្នកគាំទ្ររបស់លោកជាច្រើនបានចូលរួមអបអរ។ លោកសរសេរថា "ស្វាគមន៍មកកាន់ពិភពលោកដ៏ស្រស់ស្អាត ព្រះនាងតូចរបស់ប៉ាកូនស្រីឈ្មោះ ណាត់ វណ្ណៈមុនីនា ហៅ នា ( Nea )កូនស្រីកើតថ្ងៃ អាទិត្យ ទី២១ខែ មិថុនា ឆ្នាំ ២០២០ វេលាម៉ោង ៨ និង៤នាទី"។

កូនស្រីទី១របស់ លោក ណាត់ បុរី មានទម្ងន់ជិត៤គីឡូ មានមុខមាត់ Cute ខណៈលោក ឪពុកត្រូវបានគេមើលឃើញថា លេចស្នាមញញឹមគ្រប់ពេលនៅក្បែរភរិយា និងកូន។ ក្រោយពីបានសារជូនពរ និងអបអរពីប្រិយមិត្ត ក៏ដូចជាមិត្តភ័ក្ដិសាច់ញាតិជាច្រើន លោក ក៏បានឆ្លៀតសរសេរថ្លែងអំណគុណដល់ អ៊ំ ពូមីង ពុកម៉ែ បងប្អូនទាំងឡាយ ដែលបានឈឺឆ្អាល និងជួយបន់ស្រន់ឲ្យមនុស្សសំខាន់របស់លោកទាំងពីរ ខណៈពេលនេះ ពួកគេមានសុវត្ថិភាព និងមានសុខភាពល្អហើយ។

លោក ណាត់ បូរី បានចូលរោងការអ្នកនាង ពីរ័ត្ន ដែលជាមួយកូនស្រីនៃគ្រួសារដ៏មានមុខមាត់មួយរូបនៅតំបន់បាវិតកាលពីថ្ងៃទី ២១ ធ្នូ ២០១៩។ ដោយសារតែទាំងសងខាងសុត្ធសម្បូរសម្បាយ គ្រាន់តែថត Pre-Wedding គូស្វាមីភរិយាមួយគូនេះ បានចំណាយអស់រាប់ម៉ឺនដុល្លារ ដោយក្នុងនោះពួកគេបានចុះទៅថតដល់៤ប្រទេសឯណោះ។ នៅថ្ងៃចូលរោងជ័យ ពួកគេបានទទួលភ្ញៀវកិត្តិយសពិសាភោជនីយដ្ឋានចំនួន ១៤០ តុ ក្លាយជាមង្គលការដ៏កក្រើកមួយនៅតំបន់ជាយដែនប្រទេសភាគខាងកើត៕