ស្នៀតបោកយកអាខោន អ្នកលេង Instagram គួរប្រយ័ត្ន

2020-07-01 07:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកទទួលបានការផ្ញើសារចូលប្រអប់ឈែតលើ Instagram ដែលនិយាយថាអ្នកបានល្មើសកម្មសិទ្ធិបញ្ហាចំពោះរូបភាពដែលអ្នកបានបង្ហោះចេញ ត្រូវប្រុងប្រយ័ត្នព្រោះថាវាអាចជាការបោកប្រាស់យកគណនី។

វិបសាយ Fstopper បានចុះផ្សាយអំពីការបោកប្រាស់នេះ ដោយពួកគេទទួលបានសារល្មើសនឹងកកម្មសិទ្ធិបញ្ហារូបភាពពីគណនីឈ្មោះ The North Face Chile (@thenorthfacechile)។ គណនីនេះមានការ Verify ហើយមាន Follower ដល់ជាង ១៥ម៉ឺននាក់។ តាមការ Search លើ Google បង្ហាញថាគណនីធ្លាប់មានការបង្ហោះជា Public (សាធារណៈ) យ៉ាងតិច ១០៩៨ដង។ ប៉ុន្តែពេលនេះគណនីត្រូវបានកំណត់ជា Private (ឯកជន) និងបានផ្ញើសារបោកប្រាស់បែបនេះ ដែលអាចមានន័យថាគណនីនេះត្រូវបានគេ Hack យកបានសម្រេច ហើយត្រូវបានគេប្រើប្រាស់ដើម្បីបោកគេឯងលើ Instagram។

សារដែលគណនី The North Face Chile បានផ្ញើចេញមានលក្ខណៈដូចខាងក្រោម ៖

ពេលដែលចុចលើតំណភ្ជាប់ វានឹងនាំអ្នកទៅកាន់ផ្ទាំងមួយដូចខាងក្រោម ៖

ពេលដែលចុចលើពាក្យ Next វានឹងនាំអ្នកទៅកាន់ផ្ទាំង ដែលតម្រូវឲ្យអ្នកបញ្ចូលឈ្មោះគណនី និងលេខសម្ងាត់ ៖

បន្ទាប់មកទៀត គឺជាគោលដៅសំខាន់របស់ជនបោកប្រាស់ គឺទាមទារអាសយដ្ឋានអ៊ីមែលរបស់អ្នក ៖

ពេលដែលផ្ដល់អ៊ីមែល ឈ្មោះគណនី និងលេខសម្ងាត់រួច វានឹងនាំអ្នកទៅកាន់ផ្ទាំង Home នៃកម្មវិធី Instagram ដូចមិនមានអ្វីកើតឡើង។ ប៉ុន្តែទិន្នន័យសំខាន់របស់អ្នកបានទៅដល់ដៃជនបោកប្រាស់ទៅហើយ។

ត្បិតថាគណនី Instagram មិនមានព័ត៌មានសំខាន់អ្វីច្រើន ប៉ុន្តែមានមនុស្សភាគច្រើនប្រើប្រាស់លេខសម្ងាត់ដូចគ្នាសម្រាប់គណនី Instagram និងអាសយដ្ឋានអ៊ីមែល។ ពេលដែលជនបោកប្រាស់អាចចូលដល់អ៊ីមែលបានហើយ ពួកគេអាចប្រើវាដើម្បីប្ដូរលេខសម្ងាត់គណនីនៃសេវាកម្មជាច្រើន ជាច្រើនដែលជនរងគ្រោះមានប្រើ៕

ប្រភព៖ petapixel ប្រែសម្រួល៖ សុខហេង