ធ្លាយដំណឹង Xavi ព្រមមកដឹកនាំក្រុម Barca ជំនួស Setien ហើយ
- 2020-07-04 03:07:07
- ចំនួនមតិ 0 | ចំនួនចែករំលែក 0
ធ្លាយដំណឹង Xavi ព្រមមកដឹកនាំក្រុម Barca ជំនួស Setien ហើយ
ចន្លោះមិនឃើញ
ប្រភពនៅអេស្ប៉ាញបានបញ្ជាក់ថា Xavi បានយល់ព្រមក្នុងការមកដឹកនាំក្រុម FC Barcelona ជំនួសលោក Setien ហើយ ប្រសិនបើក្លឹបត្រូវការ។
លោក Setien អ្នកចាត់ការក្រុម Barcelona បច្ចុប្បន្ននេះកំពុងរងសម្ពាធច្រើន បន្ទាប់ពីធ្លាយដំណឹងថាប៉ះទង្គិចសម្ដីជាមួយកីឡាករ និងលទ្ធផលប៉ុន្មានប្រកួតចុងក្រោយនេះស្មើរហូត។ មួយវិញទៀត ក្រុមអ្នកមានបុណ្យក៏កំពុងចាញ់ពិន្ទុក្រុម Real Madrid ដល់ទៅ៤ពិន្ទុប៉ុណ្ណោះ។ កត្តានេះហើយ ទើបធ្វើឱ្យមតិមួយចំនួនយល់ឃើញថាអនាគតអ្នកចាត់ការវ័យ៦១ឆ្នាំរូបនេះ ទំនងជាអស់ត្រឹមរដូវកាលនេះហើយ។
ទន្ទឹមគ្នានេះដែរ ក៏មានធ្លាយដំណឹងថា Xavi ដែលជាវីរបុរសរបស់ក្លឹប Barcelona ក៏បានយល់ព្រមមកដឹកនាំក្រុមបន្ដដែរ។ រូបគេទាមទារប្រាក់ឈ្នួល៥,៤លានផោនក្នុង១ឆ្នាំក្នុងការមកដឹកនាំក្រុមនេះ ហើយថ្នាក់ដឹកនាំ Barca ក៏យល់ព្រមជាមួយតម្លៃឈ្នួលទាបនេះដែរ។ ចំពោះកីឡាករក្នុងក្រុមវិញ ក៏ពេញចំពោះវត្តមានរបស់ Xavi ត្រលប់មក Camp Nou នេះទៀត៕