បញ្ចប់សប្ដាហ៍ទី៦ លីគកំពូលកម្ពុជា ស្វាយរៀង ឡើងលេខ១ ភ្នំពេញក្រោន ធ្លាក់មកលេខ២

2020-07-06 09:45:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់បាល់ទាត់លីគកំពូលកម្ពុជាបានបញ្ចប់ការប្រកួតសប្ដាហ៍ទី៦ ម្សិលមិញនេះគឺក្រុមខ្លាំង ព្រះខ័នរាជស្វាយរៀង ឡើងទៅឈរលេខ១ ជំនួសវិញ ភ្នំពេញក្រោន វិញធ្លាក់មកត្រឹឹមលេខ២ ក្រោយស្មើ ២-២ វិសាខា។(រូបភាពក្រមខាងក្រៅលើផេក CNCC)

រូបភាពលើផេក CNCC

ការប្រកួតសប្ដាហ៍ទី៦ ដែលមានក្រុមច្រើនបានប្រកួតក្នុងសប្ដាហ៍នេះមែន ប៉ុន្តែក៏មានក្រុមខ្លះត្រឹមជាប្រកួតទី៥ របស់គេនៅឡើយទេ។ ប៉ុន្តែយ៉ាងណាលទ្ធផលបណ្ដោះអាសន្នក្នុងសប្ដាហ៍ទី៦ នេះក្រុមខ្លាំងដើមកំណើតមកពីខេត្តស្វាយរៀង បានហក់ឡើងទៅឈរកំពូលតារាងហើយបន្ទាប់ពីលត់ក្រុមក្មេងខ្ចី យុវជនសាលាបាល់ទាត់បាទីអាយុក្រោម ១៨ឆ្នាំ ដោយលទ្ធផល ១០-០ កាលពីថ្ងៃសៅរ៍នេះ។

រូបភាពលើផេក CNCC

ព្រះខ័នរាជស្វាយរៀង ជាក្រុមខ្លាំងមួយដែលមិនទាន់ស្គាល់ពាក្យថាចាញ់នោះឡើយក្នុងការប្រកួតបើកឆាករដូវកាលថ្មីនេះពោល ៦ប្រកួត ឈ្នះ ៥ ស្មើ ១ កំពុងមាន ១៦ពិន្ទុ មានគ្រាប់បាល់ចំណេញ ២១គ្រាប់។ ចំណែកក្រុមលេខ២ ភ្នំពេញក្រោន វិញក៏មិនទាន់ស្គាល់ពាក្យថាចាញ់ដែរក្នុងចំណោម ៦ប្រកួតនេះពោលឈ្នះ ៤ ស្មើ ២ កំពុងមាន១៤ពិន្ទុតាមពីក្រោយក្រុមកំពូលតារាង រីឯគ្រាប់បាល់ចំណេញវិញមាន ១៧គ្រាប់។

រូបភាពលើផេក CNCC

រំលឹកដែរថា លីគកំពូលកម្ពុជាទើបតែបើកដំណើរការប្រកួតវិញកាលពីសប្ដាហ៍មុននេះទេ បន្ទាប់ពីផ្អាកដោយជំងឺ COVID រយៈពេលប៉ុន្មានខែមកនេះ។ ប្រកួតចុងក្រោយរបស់ព្រះខ័នរាជស្វាយរៀង សប្ដាហ៍ទី៦ ឈ្នះ យុវជនសាលាបាល់ទាត់បាទីអាយុក្រោម ១៨ឆ្នាំ ១០-០ ចំណែក ក្រុមលេខ២ ភ្នំពេញក្រោន ស្មើ ២-២ វិសាខា បានម្នាក់១ពិន្ទុ៕

អត្ថបទ៖ នួន ស៊ីណា