ស្ងាត់ៗ វៀតណាមផលិតបានទូរសព្ទ 5G
- 2020-07-08 06:23:57
- ចំនួនមតិ 0 | ចំនួនចែករំលែក 0
ស្ងាត់ៗ វៀតណាមផលិតបានទូរសព្ទ 5G
ចន្លោះមិនឃើញ
ក្រុមហ៊ុន VinSmart ដែលជាក្រុមហ៊ុនបុត្រសម្ព័ន្ធរបស់ Vingroup បានប្រកាសថាខ្លួនទទួលបានជោគជ័យលើការផលិតស្មាតហ្វូនឈ្មោះថា Vsmart Aris 5G ដែលជាទូរសព្ទមានគាំទ្រនូវប្រព័ន្ធទំនាក់ទំនង 5G។
ផ្អែកតាមការប្រកាសរបស់ VinSmart បានឲ្យដឹងថា Vsmart Aris 5G មានប្រើប្រាស់នូវបន្ទះឈីប Snapdragon 765G ដែលមាន RAM ទំហំ ៨GB និងអង្គផ្ទុក ១២៨GB។ វាមានបំពាក់កាមេរ៉ាបីគ្រាប់នៅផ្នែកខាងក្រោយ ដែលកាមេរ៉ាមេមានទំហំ ៤៨MP និងកាមេរ៉ាមុខ ២០MP។ អេក្រង់មានទំហំ ៦,៣៩អ៊ីញ ដែលប្រើប្រាស់អេក្រង់ Super AMOLED។
ល្បឿន 5G លើស្មាតហ្វូន Vsmart នេះគឺប្រើប្រាស់នូវបច្ចេកវិទ្យា Sub6 ដែលមានល្បឿនលឿនជាង 4G ជិត ៨ដងឯណោះ។ ល្បឿននេះអាចកាន់តែលឿន ប្រសិនបើ VinSmart អាចប្រើប្រាស់បច្ចេកវិទ្យា mmWave បាននាពេលខាងមុខ។
យ៉ាងណាក៏ដោយ ក្រុមហ៊ុន VinSmart មិនបាននិយាយអំពីកាលបរិច្ឆេទបញ្ចេញលក់ស្មាតហ្វូន 5G នេះនៅឡើយទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
