Derek៖ សុខចិត្តមិននៅបារាំងមកហាត់ល្បុក្កតោអស់១០ឆ្នាំ និងចង់ឲ្យពិភពលោកស្គាល់ក្បាច់គុននេះ

2020-07-14 03:22:04
ចំនួនមតិ 0 | ចំនួនចែករំលែក 0

ចន្លោះមិនឃើញ

បារាំងបេះដូងខ្មែរ Derek Bidaut ថាខ្លួនពិតជាស្រឡាញ់ក្បាច់គុនល្បុក្កតោខ្លាំងមែនទែន សុខចិត្តបោះបង់ប្រទេសបារាំងមករស់នៅខ្មែរ និងហាត់រៀនក្បាច់គុនមួយនេះអស់រយៈពេល១០ឆ្នាំមកហើយគិតដល់បច្ចុប្បន្ន។

រូបភាពលើហ្វេសបុក Derek

កីឡាករ Derek Bidaut បានឲ្យដឹងថា ក្បាច់គុនល្បុក្កតោរបស់ខ្មែរជាក្បាច់គុនដ៏អស្ចារ្យបំផុត និងសំបូរក្បាច់ស្នៀតរាប់ពាន់ រាប់ម៉ឺនក្បាច់ឯណោះ។ ក្បាច់គុនបុរាណរបស់ខ្មែរមួយនេះវាល្អប្លែកពីក្បាច់គុនប្រទេសដទៃ។ ដើមចមទាំងនេះហើយទើបធ្វើឲ្យបុរសស្បែកសរូបនេះជាប់ចិត្ត និងល្បុក្កតោដកចិត្តមិនបាន។

រូបភាពលើហ្វេសបុក Derek

បុរសវ័យ ៣២ ឆ្នាំខាងលើនេះបន្តប្រាប់ទៀតថា បើគិតពីរឿងស្រឡាញ់វិញគឺវាធំធេងណាស់សម្រាប់រូបគេ ពោលសុខចិត្តបោះបង់ការរស់នៅឯប្រទេសកំណើតរបស់ខ្លួន បោះបង់ការងារ និងការរស់នៅសុខស្រួលមកហាត់ក្បាច់គុនល្បុក្កតោ។ មិនត្រឹមតែប៉ុណ្ណេះទេ Derek ចង់ឲ្យក្បាច់គុនមួយនេះល្បីពេញពិភពលោក និងចង់ឲ្យពិភពលោកស្គាល់ថាជាក្បាច់របស់ខ្មែរ ចេញមកពីខ្មែរ។ កីឡាកររូបនេះបានចេញទៅបង្ហាត់បង្រៀនដល់បរទេសជាច្រើនប្រទេសផងដែរដូចជា បារាំង អាមេរិក ម៉ាឡេស៊ី ជប៉ុន អូស្ត្រាលី ជាដើម។

កីឡាករ Derek

រំលឹកដែរថា កីឡាករ Derek Bidaut បានមកហាត់រៀនល្បុក្កតោ និងរស់នៅកម្ពុជាអស់រយៈពេល១០ឆ្នាំមកហើយតាំងពីឆ្នាំ២០១០ មកម្ល៉េះ។ កីឡាកររូបនេះក៏ធ្លាប់ឡើងប្រកួតគុនខ្មែរផងដែរ។ បច្ចុប្បន្នជាម្ចាស់ក្លឹបហាត់ប្រាណ ក្លឹបគុន PRODAL ផងដែរ៕

អត្ថបទ៖ នួន ស៊ីណា