គ្រូបង្វឹក Man Utd សម្រេចលាឈប់ ក្រោយទាស់ទែងជាមួយ De Gea

2020-07-15 12:03:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ មានសារព័ត៌មានមួយចំនួន បានចុះផ្សាយថាក្លឹប Manchester United បានបណ្ដេញគ្រូបង្វឹកចាំទីលោក Emilo Alvarez ដោយសារតែទាស់ទែងនឹងអ្នកចាំទីអេស្ប៉ាញ David De Gea។

តែលោក Alvarez បានចេញមុខបញ្ជាក់ប្រាប់ AS ថា ក្លឹបមិនបានដេញលោកទេ តែលោកទេសម្រេចចិត្តលាឈប់ដោយខ្លួនឯង។

លោក Alvarez បាននិយាយថា៖" Man Utd មិនបានដេញខ្ញុំទេ វាជារឿងមិនពិតឡើយ។ នៅពេលដែលក្លឹបធ្វើកុងត្រាថ្មីនឹង De Gea ក្លឹបថែមទាំងបន្តកុងត្រាឲ្យខ្ញុំផងដែរពេលនោះ។ ពេលហ្នឹងខ្ញុំបានប្រាប់ទៅពួកគេថា ខ្ញុំចង់ចេញពីក្លឹប។ ការចាកចេញនេះគឺមិនមែនមានន័យខ្ញុំចង់ចេញពី Man Utd ទេគឺ ខ្ញុំមិនចង់បង្វឹក De Gea ទៀតទេ។ "

គ្របង្វឹករូបនេះបានបន្តថា៖" ខ្ញុំអ្នកអូសទាញ De Gea ឲ្យមកលេងនៅ Man Utd នេះ។ រយៈពេល៣ឆ្នាំមកនេះ ខ្ញុំខិតខំបង្ហាត់គេណាស់ គេក្លាយជាកីឡាករលំដាប់ដែលមានតម្លៃខ្លួនខ្ពស់។ តែក្រោយមក គេដូចជាមិនស្មោះត្រង់នឹងខ្ញុំសោះ នៅពេលគេធ្វើកុងត្រាថ្មី គេអត់ប្រាប់ខ្ញុំទេ ក្លឹបឲ្យតម្លៃខ្លួនប៉ុន្មានក៏គេមិនប្រាប់ខ្ញុំដែរ ខ្ញុំទៅសួរគេ គេថាក្លឹបអត់ឲ្យនិយាយទេ អញ្ចឹងហើយខ្ញុំក៏សម្រេចចិត្តចាកចេញតែម្ដងទៅ៕ "

ប្រភព៖ Goal ប្រែសម្រួលដោយ៖ ហ៊ីម រស្មី