បែក​ធ្លាយ​ពី​ឯកសារ​កុងត្រា​នៅ​ក្លឹប Real Madrid របស់ Lewandowski

  • 2020-08-03 12:44:40
  • ចំនួនមតិ 0 | ចំនួនចែករំលែក 2

ចន្លោះមិនឃើញ


កាល​ពី​ពេល​ថ្មីៗ​នេះ​ សារព័ត៌មាន​ប៉ូឡូញ Onet Sport បាន​បញ្ចេញ​ឯកសារ​កុងត្រា​ដែល​ក្លឹប Real Madrid ដាក់​ជូន​ខ្សែ​ប្រយុទ្ធ​ប៉ូឡូញ​ Robert Lewandowski ចុះ​ហត្ថលេខា។

កុងត្រា​នោះ​ចុះ​កាលបរិច្ឆេទ​នៅ​ខែ​ធ្នូ ឆ្នាំ២០១៣ ហើយ​បង្ហាញ​លំអិត​ពី​រយៈពេល​កុងត្រា ប្រាក់​ឈ្នួល ប្រាក់​បន្ថែម និង​ប្រាក់​រង្វាន់​ផ្សេងៗ​ទៀត​ផង។ បើ​តាម​ការ​ទម្លាយ​នោះ Lewandowski នឹង​ទទួល​បាន​ប្រាក់ខែ​ចំនួន ១១លាន​ដុល្លារ​ក្នុង​មួយ​ខែ ហើយ​កុងត្រា​មាន​សុពលភាព​ដល់​ខែ​មិថុនា ឆ្នាំ២០២០។

ក្នុង​កុងត្រា​នោះ​ដែរ Real Madrid ក៏​ដាក់​បម្រាម​ហាម​ Lewandowski មិន​ឲ្យ​ធ្វើ​សកម្មភាព​មួយ​ចំនួន​ដូច​ជា​ ជិះ​ម៉ូតូ ជិះ​ម៉ូតូ​ទឹក ជិះ​ស្គី​ជា​ដើម។

យ៉ាងណាមិញ អំឡុង​ពេល​នោះ​ សាមី​ខ្លួន​បាន​យល់​ព្រម​ផ្ទាល់​មាត់​ជាមួយ​ក្លឹប Bayern Munich ទៅ​ហើយ ដែល​ធ្វើ​ឲ្យ​កុងត្រា​នោះ​ក្លាយ​ជា​កុងត្រា​ឥត​ហត្ថលេខា៕

ប្រភព៖ Marca   ប្រែ​សម្រួល៖ ហ៊ីម រស្មី