ផ្ទុះទៀតហើយ! កំពូលតារាកូរ៉េលំដាប់ A ៣រូបនឹងសម្ដែងកុនខ្នាតធំបែបវិទ្យាសាស្ត្រថ្មីរួមគ្នា
- 2020-08-04 04:28:50
- ចំនួនមតិ 0 | ចំនួនចែករំលែក 0
ផ្ទុះទៀតហើយ! កំពូលតារាកូរ៉េលំដាប់ A ៣រូបនឹងសម្ដែងកុនខ្នាតធំបែបវិទ្យាសាស្ត្រថ្មីរួមគ្នា
ចន្លោះមិនឃើញ
មានសេចក្ដីរាយការណ៍មកថា តារាសម្ដែង Park Seo Joon, Park Bo Young និង Lee Byun Hun នឹងសហការគ្នាថតរឿងថ្មី ជាភាពយន្តបែបវិទ្យាសាស្ត្រថ្មីមានចំណងជើងថា «Concrete Euphoria»។
ផ្អែកតាមប្រភពព័ត៌មានពី Sport Seoul ចុះផ្សាយនៅថ្ងៃទី ០៤ ខែសីហានេះ បានឲ្យដឹងថា Lee Byung Hun និង Park Bo Young នឹងសម្ដែងជាតួឯករួមគ្នាក្នុងភាពយន្យខ្នាតធំ «Concrete Euphoria»។ រឿងថ្មីនេះគឺជាការដឹកនាំសម្ដែងដោយអ្នកដឹកនាំរឿង Uhm Tae Hwa ហើយត្រូវបានចាត់ទុកថាជារឿងដំបូងនៃការវិលមកវិញរបស់លោក ក្រោយអវត្តមានពីវិស័យកុនខ្នាតធំនេះរយៈពេល ៤ឆ្នាំតាំងពីរឿង «Vanishing Time: A Boy Who Returned»។
បន្ថែមពីលើនេះក៏មានការបញ្ជាក់ពីវិបសាយ Ilgan Sports ដែរថា តារាសម្ដែងខ្ពស់សង្ហា Park Seo Joon ក៏នឹងចូលរួមសម្ដែងក្នុងកុនខ្នាតធំបែបវិទ្យាសាស្ត្រមួយនេះដែរ ក្រោយពីមានការស្នើរសុំពីក្រុមការងារផលិត ហើយលោកក៏កំពុងរៀបចំការងារផ្សេងៗទៀត ដើម្បីអាចមានពេលមកថតរឿងនេះបាន។
សូមបញ្ជាក់ផងដែរថា រឿង «Concrete Euphoria» គ្រោងនឹងចាប់បញ្ចាំងនៅខែមីនា ឆ្នាំ ២០២១ខាងមុខ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
