Owen ៖ Ronaldo ៣៥ឆ្នាំហើយ គាត់ប្រឹងណាស់...គាត់សល់ពេលមិនច្រើនទេ
- 2020-08-08 04:36:33
- ចំនួនមតិ 0 | ចំនួនចែករំលែក 0
Owen ៖ Ronaldo ៣៥ឆ្នាំហើយ គាត់ប្រឹងណាស់...គាត់សល់ពេលមិនច្រើនទេ
ចន្លោះមិនឃើញ
Owen Hargreaves អ្នកវិភាគនៅ BT Sport បាននិយាយថាខ្សែប្រយុទ្ធ Cristiano Ronaldo នៅសល់ពេលមិនច្រើនទៀតទេក្នុងការបង្ហាញសមត្ថភាពរបស់ខ្លួន ដោយសារបច្ចុប្បន្ននេះរូបគេមានវ័យ៣៥ឆ្នាំទៅហើយ។
កាលពីយប់មិញនេះ Ronaldo រកបាន២គ្រាប់ម្នាក់ឯងជួយក្រុម Juventus យកឈ្នះលើក្រុម Lyon នៅជើងទី២ ប៉ុន្តែវាមិនគ្រប់គ្រាន់សម្រាប់ឱ្យក្រុមអ៊ីតាលីនេះឡើងវគ្គបន្ដទេ ព្រោះកាលពីជើងទី១កន្លងទៅ ពួកគេលេងចាញ់ ១-០។ ការធ្លាក់ត្រឹមវគ្គ១៦ក្រុមចុងក្រោយនេះ វាគឺជាលើកដំបូងសម្រាប់ Ronaldo តាំងពីឆ្នាំ២០១០មកហើយ។
និយាយពីការប្រកួតវិញ អ្នកវិភាគជាច្រើនមើលឃើញថា Ronaldo បានខិតខំខ្លាំងមែនទែនសម្រាប់ការប្រកួតនេះ។ ខណៈដែលសមាជិកក្រុមដទៃទៀតហាក់ដូចជាលេងមិនសូវបានល្អនោះទេ។ Owen អតីតកីឡាករឆ្នើមម្នាក់របស់ក្រុម Bayern Munich និងជម្រើសជាតិអង់គ្លេស បាននិយាយថាអតីតកីឡាករ Real Madrid ខាងលើនេះខំប្រឹងលើសគេក្នុងការប្រកួតនៅយប់មិញ។
មួយវិញទៀត វ័យ៣៥ឆ្នាំរបស់ Ronaldo គឺបានបញ្ជាក់ថានៅយប់មិញនេះ រូបគេធ្វើបានល្អបំផុតទៅហើយ។ អាយុប៉ុណ្ណឹងគឺបញ្ជាក់ច្បាស់ថានៅសល់ពេលមិនច្រើនទៀតទេសម្រាប់រូបគេ ក្នុងការបង្ហាញសមត្ថភាពប្រជែងពានរង្វាន់ធំៗ៕