អរជំនួស! កីឡាករល្បុក្កតោ និងគុនខ្មែរ Derek បានសញ្ជាតិខ្មែរហើយ

2020-08-12 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងក្បាច់គុន ស្រឡាញ់វប្បធម៌ខ្មែរហើយនិងបានរស់នៅក្នុងប្រទេសកម្ពុជារយៈពេលជាង១០ឆ្នាំ Derek បានចូលសញ្ជាតិខ្មែរហើយនាពេលថ្មីៗនេះ។

រូបភាពលើហ្វេសបុករបស់ Derek

កីឡាករ Derek បានឲ្យដឹងថា នៅពេលនេះខ្លួនបានសញ្ជាតិជាខ្មែរហើយ។ អ្នកលេងក្បាច់គុនរូបនេះថាខ្លួនពិតជាមានចិត្តសប្បាយរីករាយខ្លាំងណាស់ដែលបានចូលជាសញ្ជាតិខ្មែរ។ បច្ចុប្បន្ននេះឈ្មោះជាភាសាខ្មែររបស់ Derek គឺហៅថា ចាន់ ឬទ្ធីស័ក្តិ។

បុរសដើមកំណើតមកពីប្រទេសបារាំងខាងលើនេះបន្តប្រាប់ទៀតថា ការដែលបានសញ្ជាតិខ្មែរបែបនេះ គឺដោយសារតែ រាជរដ្ឋាភិបាល ក៏ដូចជាថ្នាក់ដឹកនាំបានមើលឃើញពីភាពឧស្សាហ៍ព្យាយាម ស្រឡាញ់កម្ពុជា ជួយលើកស្ទួយវប្បធម៌ខ្មែរ និងជួយផ្សព្វផ្សាយពីក្បាច់គុនខ្មែរ ពីខ្មែរលើឆាកអន្តរជាតិនាពេលច្រើនឆ្នាំមកនេះ។

រូបភាពលើហ្វេសបុករបស់ Derek

រំលឹកដែរថា កីឡាករ Derek ឬហៅថា ចាន់ ឬទ្ធីស័ក្តិ បានហ្វឹកហាត់ក្បាច់គុនខ្មែរតាំងពីខ្លួននៅឯប្រទេសបារាំងមកម្ល៉េះ ហើយបើគិតពីការមករស់នៅកម្ពុជាក៏ដូចជាស្វែងយល់ហាត់រៀននេះប្រហែលជាង១០ឆ្នាំមកហើយ។ កីឡាកររូបនេះអាចលេងទាំងក្បាច់គុនល្បុក្កតោ និងក្បាច់គុនខ្មែរ ហើយបច្ចុប្បន្នជាម្ចាស់ក្លឹបហាត់ប្រាណ Prodal fight & fitness studio នៅឯទួលគោកផងដែរ៕