ក្រុមហ៊ុនចិនត្រៀមប្រកាសទូរសព្ទដំបូងគេក្នុងលោក បង្កប់កាមេរ៉ា Selfie ក្រោមអេក្រង់

2020-08-12 07:50:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបង្កប់កាមេរ៉ានៅក្រោមអេក្រង់ នឹងជាគំនិតច្នៃប្រឌិតថ្មីមួយទៀតលើស្មាតហ្វូន ដោយគេរំពឹងថាបច្ចេកវិទ្យានេះនឹងមានបំពាក់លើស្មាតហ្វូនជាទូលំទូលាយនាឆ្នាំ ២០២១ ខាងមុខ។ យ៉ាងណាក្ដីក្រុមហ៊ុន ZTE បានបញ្ជាក់ថាខ្លួននឹងបង្ហាញចេញស្មាតហ្វូនដំបូងគេក្នុងលោកដែលបង្កប់កាមេរ៉ាក្រោមអេក្រង់ឆាប់ៗនេះ។

ស្មាតហ្វូន ZTE Axon 20 5G អាចជាស្មាតហ្វូនដំបូងគេដែលបំពាក់កាមេរ៉ា Selfie លើអេក្រង់។ លោក Ni Fei ជាប្រធានផ្នែកទូរសព្ទរបស់ ZTE បានបញ្ជាក់នៅលើគណនី Weibo អំពីបច្ចេកវិទ្យាថ្មីដំបូងគេនេះ ប៉ុន្តែលោកមិនបានបង្ហាញពីឈ្មោះស្មាតហ្វូន ឬថ្ងៃប្រកាសចេញនោះទេ។

ស្មាតហ្វូន ZTE Axon 20 5G អាចនឹងប្រើប្រាស់ដំណោះស្រាយរបស់ក្រុមហ៊ុនចិន Visionix ដែលមានបច្ចេកវិទ្យាបង្កប់កាមេរ៉ាក្រោមអេក្រង់។ កាលពីខែមុន Visionex បានបញ្ជាក់ថាខ្លួនបានចាប់ផ្ដើមការផលិតទ្រង់ទ្រាយធំនូវដំណោះស្រាយបង្កប់កាមេរ៉ាក្រោមអេក្រង់ ហើយស្មាតហ្វូនដែលប្រើប្រាស់វានឹងបង្ហាញខ្លួនឆាប់ៗផងដែរ៕

ប្រភព៖ pocketnow ប្រែសម្រួល៖ សុខហេង