គ្រូរបស់ Khmer Unite A ឲ្យតែកីឡាករធ្វើតាមគឺឈ្នះ Avatar FC បែបនេះហើយ

2020-08-17 10:05:42
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹករបស់ក្រុមបាល់ទាត់ពាក់កណ្ដាលអាជីព Khmer Unite A ថាឲ្យតែកីឡាករព្យាយាមធ្វើតាមផែនការរបស់លោកដែលបានរៀបចំឲ្យលេងគឺដឹងតែឈ្នះក្រុមខ្លាំង Avatar FC និងមានគ្រាប់ច្រើនបែបនេះហើយ។

លោក Freddy ឈរនិយាយជាមួយកីឡាករ

លោក Freddy បានឲ្យដឹងថា សម្រាប់ការប្រកួតជាមួយ Avatar FC នេះគឺពិតជាមានសារសំខាន់ខ្លាំងណាស់ចំពោះក្រុម Khmer Unite A ដោយសារតែជាការប្រជែងឡើងទៅលេខ៤ បន្តឱកាសឈរជើងទៅវគ្គខ្វែងជាដើម។ ដូច្នេះការប្រកួតនេះក្រុមទាំងមូលត្រូវតែឈ្នះ។

Khmer Unite A (អាវលឿង)

គ្រូបរទេសរូបនេះបន្តប្រាប់ទៀតថា លោកពិតជាត្រេកអរណាស់ចំពោះលទ្ធផលឈ្នះមួយនេះ អរគុណចំពោះការខិតខំប្រឹងប្រែងលេងបានរហូតឈ្នះក្រុមខ្លាំងដែលខ្លួនធ្លាប់ចាញ់នាពេលកន្លងទៅ។ ជ័យជម្នះនេះគឺមិនមែនជាការចៃដន្យនោះទេ ពោលគឺសុទ្ធតែជាយុទ្ធសាស្ត្រដែលលោកបានរៀបចំទុកមុន និងឲ្យកូនក្រុមលេងតាម។ លទ្ធផលឈ្នះ និងរកបានច្រើនគ្រាប់នេះគឺដូចទៅហ្នឹងអ្វីដែលគ្រូបង្វឹកខាងលើបានគិតមុនការប្រកួតមកដល់ម្ល៉េះ។

លទ្ធផលការប្រកួត

រំលឹកដែរថា ការប្រកួតពានរង្វាន់បាល់ទាត់ពាក់កណ្ដាលអាជីព KW Cambodia League 2020 សប្ដាហ៍ទី១០ នេះបានបញ្ចប់ទៅហើយកាលពីថ្ងៃសៅរ៍ អាទិត្យ កន្លងទៅនេះ ។ ចំពោះក្រុម Khmer Unite A បានយកឈ្នះក្រុម Avatar FC ៤-១ កាលពីថ្ងៃសៅរ៍ទី១៥ សីហា ២០២០។ ក្រុមឈរលេខ១ TN Kandal FC លេខ២ ISI DSC លេខ៣ Riel Phnom Penh និងលេខ៤ Khmer Unite A ៕

អត្ថបទ៖ នួន ស៊ីណា