ឡាន Tesla ត្រូវបានគេកែច្នៃធ្វើជាឡានដឹកសព
- 2020-08-24 06:32:20
- ចំនួនមតិ 0 | ចំនួនចែករំលែក 0
ឡាន Tesla ត្រូវបានគេកែច្នៃធ្វើជាឡានដឹកសព
ចន្លោះមិនឃើញ
ក្រុមហ៊ុនផលិតរថយន្តសម្រាប់ដឹកសពឈ្មោះថា Coleman Milne កាលពីថ្មីៗនេះបានបង្ហាញអំពីរថយន្តដឹកមឈូសថ្មីជាម៉ូដែល Tesla ដែលត្រូវបានគេដាក់ឈ្មោះឲ្យថា Binz.E។
រថយន្ត Binz.E នេះផលិតឡើងនៅប្រទេសអាល្លឺម៉ង់ ដែលតួខ្លួនរបស់វាហាក់មានប្រវែងវែងខុសពីរថយន្តធម្មតា។ រថយន្តនេះអះអាងថាអាចបើកបរបានចម្ងាយ ៣៥៤គីឡូម៉ែត្រ ពេលសាកភ្លើងពេញម្ដងៗ។ ចំពោះប្រព័ន្ធខាងក្នុងគឺបានប្រើប្រាស់នូវប្រព័ន្ធ 75d របស់ Tesla ដែលផលិតកម្លាំងបាន ៤១៥សេះ អាចស្ទុះពី ០-៩៦គ.ម/ម៉ ក្នុងពេលត្រឹម ៤,២វិនាទី។
ក្រុមហ៊ុន Coleman Milne បានឲ្យដឹងថារថយន្តដឹកសពអគ្គិសនីដែលខ្លួនបង្កើត នឹងអាចទាក់ទាញភ្នាក់ងាររៀបចំពិធីបុណ្យសពដែលប្រតិបត្តិការនៅក្នុងតំបន់មានឧស្ម័នពុលទាប និងតំបន់មានខ្យល់ស្អាត ដែលនៅតំបន់ពីរនេះរថយន្តដឹកសពប្រើប្រាស់ម៉ាស៊ីនសាំងត្រូវបង់ថ្លៃពន្ធលើការបញ្ចេញឧស្ម័នពុល៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
