ភ័ស្តតាងច្បាស់ហើយថា iPhone 12 ពីរប្រភេទនេះនឹងចេញលក់មុន
- 2020-09-08 03:07:46
- ចំនួនមតិ 0 | ចំនួនចែករំលែក 0
ភ័ស្តតាងច្បាស់ហើយថា iPhone 12 ពីរប្រភេទនេះនឹងចេញលក់មុន
ចន្លោះមិនឃើញ
សម្រាប់ចុងឆ្នាំ ២០២០ នេះ គេរំពឹងថា Apple នឹងប្រកាសចេញ iPhone ចំនួនពីរ ដែលក្នុងនោះមាន iPhone អេក្រង់ទំហំ ៦,១អ៊ីញចំនួនពីរប្រភេទ, iPhone អេក្រង់ទំហំ ៥,៤អ៊ីញចំនួនមួយ និង iPhone អេក្រង់ទំហំ ៦,៧អ៊ីញចំនួនមួយ។
សារព័ត៌មាន Digitimes បានឲ្យដឹងកាលពីជាងមួយខែមុនថា iPhone អេក្រង់ទំហំ ៦,១អ៊ីញ ទាំងពីរនឹងចេញលក់មុនគេ។ ហើយពេលនេះ Digitimes បានចុះផ្សាយជាថ្មីម្ដងទៀត ដោយលើកយកភ័ស្តុតាងពីសង្វាក់ផ្គត់ផ្គង់មកបញ្ជាក់។
ការចុះផ្សាយរបស់ Digitimes ពីមុន គឺផ្អែកលើផែនការបែងចែកការផលិតបន្ទះ Mainboard សម្រាប់ iPhone ហើយ Digitimes បានបញ្ជាក់ថាផែនការនេះគឺប្រព្រឹត្តិទៅតាមការរំពឹងទុកមែន។ Digitimes បានឲ្យដឹងថា អ្នកផ្គត់ផ្គង់ Mainboard SLP សម្រាប់ iPhone ជំនាន់ថ្មី បានផលិត Mainboard ជាពីរដំណាក់កាល គឺមួយនៅក្នុងខែកក្កដាជា Mainboard សម្រាប់ iPhone អេក្រង់ ៦,១អ៊ីញទាំងពីរ និងមួយទៀតនៅពាក់កណ្ដាលខែសីហាជា Mainboard សម្រាប់ iPhone អេក្រង់ ៥,៤អ៊ីញ និង ៦,៧អ៊ីញ។
គួរដឹងថា iPhone ទាំងបួនដែល Apple ត្រៀមប្រកាសចេញ នឹងមានអេក្រង់ OLED ទាំងអស់ ហើយមានរចនាបថជ្រុងៗដូចជា iPhone 4 និង iPad Pro ជំនាន់បច្ចុប្បន្ន ហើយមានគាំទ្របច្ចេកវិទ្យា 5G បានដូចគ្នាផងដែរ៕