TN Kandal ខ្លាំងដូចមាត់មែន ១០០% ត្រូវតែឈ្នះលើកពានចុងក្រោយឈ្នះមែន

2020-09-08 06:01:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ក្រុមបាល់ទាត់ពាក់កណ្ដាលអាជីព TN Kandal ថាមុនការប្រកួតចាប់ផ្ដើមនោះគឺលោកសង្ឃឹមកូនក្រុមឈ្នះ និងលើកពានរង្វាន់ KW Cambodian League ១០០% ទៅហើយព្រោះដឹងពីឆន្ទៈក៏ដូចជាសមត្ថភាពដៃគូ។

កីឡាករ TN Kandal

ឯកឧត្ដម ថុល នាង ម្ចាស់ក្រុមបាល់ទាត់ TN Kandal បានឲ្យដឹងថា មុនចាប់ផ្ដើមការប្រកួតសប្ដាហ៍ទី១៣ ឬត្រូវជាការប្រកួតសម្រេចថាក្រុមណាលើកពាន KW Cambodian League នេះលោកមិនបារម្ភអ្វីនោះទេ ព្រោះឆន្ទៈក្រុមទាំងមូលចង់ឈ្នះខ្លាំងណាស់ មួយវិញទៀតដៃគូសមត្ថភាពគឺនៅទាបជាងក្រុមខ្លួន។

កីឡាករ TN Kandal (អាវលឿង)

ម្ចាស់ក្រុមបាល់ទាត់ខាងលើនេះបន្តថា ហេតុអ្វីដែលលោកអះអាងថាឈ្នះ១០០% មុនចាប់ផ្ដើមនេះក៏ព្រោះកម្រិតសមត្ថភាពរវាងក្រុមទាំងពីរខុសគ្នា TN Kandal ឈរលំដាប់លេខ ១-២ នៃតារាងប្រកួតខណៈ Bayon Wanderers ត្រឹមលេខ ៦-៧ ប៉ុណ្ណោះ។ កីឡាកររបស់លោកមានចិត្តចង់ឈ្នះពាននេះ ដូច្នេះម្នាក់ៗបានខំប្រឹង និងប្ដេជ្ញាចិត្តខ្លាំងមែនទែន ឥលូវនេះក្ដីបំណងរបស់ពួកគេគឺបានពិតប្រាកដហើយ។

កីឡាករ TN Kandal

រំលឹកដែរថា ក្រុមបាល់ទាត់ TN Kandal បានយកឈ្នះក្រុម Bayon Wanderers ដោយលទ្ធផល ៤-២ នាសប្ដាហ៍១៣ ដែលជាសប្ដាហ៍បិទបញ្ចប់ពានរង្វាន់ KW Cambodian League។ TN Kandal ក្លាយជាជើងឯកពានរង្វាន់បាល់ទាត់ពាក់កណ្ដាលអាជីព KW Cambodian League ២០២០ បន្ទាប់ពីប្រកួតសន្សំពិន្ទុអស់១៣សប្ដាហ៍រួចមកនេះ៕

អត្ថបទ៖ នួន ស៊ីណា