ឱកាសបុណ្យភ្ជុំបិណ្ឌថ្មីៗនេះ ខេត្តសៀមរាបទទួលបានភ្ញៀវទេសចរប៉ុន្មាននាក់?
- 2020-09-20 04:34:26
- ចំនួនមតិ 0 | ចំនួនចែករំលែក 0
ឱកាសបុណ្យភ្ជុំបិណ្ឌថ្មីៗនេះ ខេត្តសៀមរាបទទួលបានភ្ញៀវទេសចរប៉ុន្មាននាក់?
ចន្លោះមិនឃើញ
ទូទាំងខេត្តសៀមរាបទទួលបានភ្ញៀវជាង១២ម៉ឺននាក់ ក្នុងនោះតំបន់អង្គរទទួលបានជាង៦ម៉ឺននាក់ នាឱកាសភ្ជុំបិណ្ឌ៣ថ្ងៃ។ នេះបើយោងតាមផេកផ្លូវការរបស់ក្រសួងទេសចរណ៍បានបង្ហោះ នៅព្រឹកថ្ងៃទី២០ ខែកញ្ញា ២០២០។
ប្រធានមន្ទីរទេសចរណ៍ខេត្តសៀមរាប លោក ង៉ូវ សេងកាក់ បានឲ្យដឹងថា នាឱកាសពិធីបុណ្យភ្ជុំបិណ្ឌរយៈពេល៣ថ្ងៃ ចាប់ពីថ្ងៃទី១៦-១៨ ខែកញ្ញា ខេត្តសៀមរាបទាំងមូលទទួលបានភ្ញៀវទេសចរសរុប ១២២,៣៧០នាក់។
លោក ង៉ូវ សេងកាក់ បានបន្តថា ក្នុងចំណោមភ្ញៀវទេសចរសរុប ដែលចូលទស្សនាកម្សាន្ត នៅទូទាំងខេត្តសៀមរាបនោះ មានភ្ញៀវទេសចរបរទេសចំនួន ១,៣៧០នាក់ ចំណែកឯភ្ញៀវទេសចរខ្មែរមានចំនួនប្រមាណ ១២១,០០០នាក់។
លោកបានបន្ថែមទៀតថា ភ្ញៀវទេសចរ ដែលបានចូលទស្សនាតំបន់អង្គរមានប្រមាណ ៦២,០០០នាក់ និងប្រមាណ ៥៩,០០០នាក់ទៀត ចូលទស្សនាតំបន់រមណីយដ្ឋាន និងសហគមន៍នានាក្នុងខេត្តសៀមរាប ដូចជា ឧទ្យានជាតិភ្នំគូលែន សហគមន៍ព្រៃទឹកជប់ខ្នារពោធិ៍ សហគមន៍កំពង់ភ្លុក សហគមន៍ត្រាវកុដិ សហគមន៍បឹងឈូកបន្ទាយស្រី រមណីយដ្ឋានភូមិវប្បធម៌កម្ពុជា សហគមន៍ទេសចរណ៍បាគងភូមិខ្ញុំជាដើម៕