Sony Xperia 5 II ដាក់អេក្រង់ដល់ 120Hz លើសសិស្សច្បង ឯតម្លៃវិញ…

2020-09-21 03:18:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលដែល Sony ប្រកាសចេញ Xperia 5 កាលពីចុងឆ្នាំ ២០១៩ វាគឺជាស្មាតហ្វូនលំដាប់ថវិកាមួយដែលមានរូបរាងតូច ស្ថិតនៅលំដាប់ថ្នាក់ក្រោម Xperia 1។ ប៉ុន្តែចូលដល់ឆ្នាំ ២០២០ ក្រុមហ៊ុន Sony បានបង្កើនសមត្ថភាពរបស់ Xperia 5 II អ្នកស្នងតំណែង Xperia 5 និងបានបង្កើនល្បាក់តម្លៃថ្លៃលើសមុនពីរដងផងដែរ។

អេក្រង់របស់ Xperia 5 II នៅតែមានទំហំ ៦,១អ៊ីញ ជាប្រភេទ OLED ដោយកម្រិតបង្ហាញរូបភាពបានធ្លាក់មកនៅត្រឹម 1080p+ ប៉ុន្តែវានៅតែអាចបង្ហាញរូបភាពច្បាស់ល្អដោយគាំទ្រនូវ HDR និង Creator Mode ហើយមាន Refresh Rate 120Hz ខ្លាំងលើស Xperia 1 II។

ស្មាតហ្វូននេះបំពាក់ដោយបន្ទះឈីប Snapdragon 865 ដែលផ្គួបជាមួយ RAM ទំហំ ៨GB មានសមត្ថភាពដូចគ្នានឹង Xperia 1 II ដែរ។ អង្គផ្ទុកវិញមានពីរទំហំគឺ ១២៨GB និង ២៥៦GB ហើយក៏មានរន្ធដោតមេមូរីកាតផងដែរ។

ចូលដល់ផ្នែកកាមេរ៉ាវិញ មិនមានផ្លាស់ប្ដូរអ្វីធំដុំឡើយ ដោយមានការកែសម្រួលមួយចំនួនលើផ្នែក Software។ Sony បានបើកដំណើរការសមត្ថភាពថត JPG+RAW និងវីដេអូ Slo-Mo ល្បឿន 4K/120fps នាពេលនេះគឺថតដោយមានមុខងារ HDR។

កាមេរ៉ាបីគ្រាប់នៅផ្នែកខាងក្រោយគឺមានទំហំ ១២MP ដូចគ្នា ដោយកាមេរ៉ាមេមាន Aperture f/1.7 មានមុខងាររក្សាលំនឹង OIS ហើយកាមេរ៉ា Ultrawide របស់វាមានមុខងារ Dual Pixel Autofocus។ សម្រាប់កាមេរ៉ា Zoom មានសមត្ថភាព Zoom បានបីដង និងមានមុខងារ OIS មកជាមួយផងដែរ។ កាមេរ៉ាទាំងបីមានប្រើប្រាស់កែវឡេន ZEISS ដែលអាចលុបបំបាត់ចំណាំងប្លាតបានល្អ។ មុខងារ Eye Autofocus ក៏មានផងដែរ ហើយវាអាចថតរូបភាពបាន ២០សន្លឹកក្នុងមួយវិនាទី ដោយមានមុខងារ AE/AF មកជាមួយ។

ត្បិតថាមានទំហំតូចជាង Xperia 1 II មែន ប៉ុន្តែ Xperia 5 II មានផ្ទុកថ្មទំហំ ៤០០០mAh ដូចគ្នា ដែលក្នុងប្រអប់មានដុំសាកកម្លាំង ១៨វ៉ាត់មកជាមួយ ប៉ុន្តែអ្នកក៏អាចប្រើដុំសាកកម្លាំងខ្លាំងដើម្បីសាកបានដល់កម្លាំង ២១វ៉ាត់។ ដុំសាកក្នុងប្រអប់អាចសាកដល់ ៥០% ក្នុងពេលត្រឹម ៣០នាទី។