ធ្លាយរឿង United តាមទិញ Fati ហ៊ានឲ្យដល់១៣៥លានផោន តែ Barca អត់លក់
- 2020-09-29 07:09:27
- ចំនួនមតិ 0 | ចំនួនចែករំលែក 0
ធ្លាយរឿង United តាមទិញ Fati ហ៊ានឲ្យដល់១៣៥លានផោន តែ Barca អត់លក់
ចន្លោះមិនឃើញ
ក្លឹប Barcelona បានបដិសេធសំណើដ៏ខ្ពស់១៣៥លានផោន ក្នុងការចង់ទិញយក់កីឡាករវ័យក្មេង Ansu Fati។
ការស្នើសំណើនេះត្រូវគេជឿជាក់ថា ចេញពីក្លឹប Manchester United ដែលជាក្រុមស្ថិតក្នុងទីផ្សារដើរស្វែងរកខ្សែបម្រើប្រយុទ្ធថ្មី។ Fati មានវ័យទើបតែ១៧ឆ្នាំជាដុំផ្កាយដែលគេរំពឹងស្នងតំណែងរបស់ Lionel Messi ពេលដែលកុងត្រារបស់កីឡាករសញ្ជាតិអាហ្សង់ទីនអស់នៅឆ្នាំក្រោយជាមួយ Barcelona។
ភ្នាក់ងាររបស់ Fati លោក Jorge Mendes បានប្រាប់នាយករបស់ Barca ថា មានក្លឹបមួយបានស្នើមកកាន់ Ansu ដោយដាក់តម្លៃដំបូង១១៤លានផោន ជាមួយប្រាក់បន្ថែមលើកទឹកចិត្តផ្សេងៗ២១លានផោនទៀត។ ប៉ុន្តែ Barca មិនមានការចាប់អារម្មណ៍ក្នុងការដើរចូលចរចាឡើយ។
សម្រាប់ក្លឹបដែលហ៊ានដាក់ការស្នើនោះត្រូវបានគេរំពឹងថាជាបិសាចក្រហម ព្រោះពួកគេមានចំណាប់អារម្មណ៍ខ្លាំងលើ Fati។ យ៉ាងណាមិញ ថ្មីៗកន្លងទៅនេះ Fati បានយល់ព្រមបន្តនៅ Nou Camp ដោយបន្ថែមកុងត្រា២ឆ្នាំទៀតជាមួយតម្លៃទិញផ្ដាច់កុងត្រា៣៦៧លានផោន៕