ស្រីតូច ថាខឹងខ្លាំងណាស់ពេល សុវណ្ណនាថ ជាប្ដីវៃបាល់ជាប់បាំងម្ដងៗ
- 2020-09-29 07:41:48
- ចំនួនមតិ 0 | ចំនួនចែករំលែក 0
ស្រីតូច ថាខឹងខ្លាំងណាស់ពេល សុវណ្ណនាថ ជាប្ដីវៃបាល់ជាប់បាំងម្ដងៗ
ចន្លោះមិនឃើញ
ថ្វីបើមិនបានទៅគាំទ្រផ្ទាល់នៅតារាងបាល់ទះ ប៉ុន្តែ ធី ស្រីតូច តែងទស្សនាការប្រកួតរបស់ រ៉េត សុវណ្ណនាថ ដែលជាស្វាមីតាមរយៈការ Live លើផេកហ្វេកប៊ុក។ បើនិយាយពីអារម្មណ៍ ស្រីស្អាតប្រចាំស្រុកពាមជរខេត្តព្រៃវែង បង្ហើបថាសប្បាយចិត្តពេលឃើញកំពូលកីឡាករប្ដូរចង្កេះវៃផ្ដាច់ល្អ ប៉ុន្តែមខឹងខ្លាំងពេលគេវៃជាប់បាំងគូប្រជែងម្ដងៗ។
ស្រីតូច ប្រាប់ថា ៖«ហ្នឹងហើយបង! អឺ...ពេលដែលថាមើលតាម Live ហ្នឹង បើវៃបាល់ទាក់វីឡេ (ខ្ញុំ) ដឹងតែបន្ទោសហ្មង ដឹងតែថាតាមទូរសព្ទហ្មង លេងបាល់អាចឹងវៃអាចឹងអ៊ីចឹងណាបង តែបើសិនថាវៃបាល់ទៅចូលខាងគេ ឬបាល់គ្រាប់ត្រូវបានខាងយើង វៃចូលគេ គេយកបាន ហើយមកខាងយើងវិញ ខាងយើងវៃចូលវិញ ពេលវៃចូលសុទ្ធតែឡើងស្រែកហ៊ោបង»។
ភរិយាដ៏ស្រស់ស្អាតរបស់ដៃគូម៉ាប់ឆ្វេងរូបនេះ បង្ហើបទៀតថា ពេលការប្រកួតជិតចប់ គឺអ្នកស្រីមិនហ៊ានមើល Live ឡើយ គឺបិទចោលសិន រួចហើយបើកមើលជាថ្មី។
ស្រីតូច ទទួលស្គាល់ថាស្វាមីរបស់ខ្លួនមានទម្រង់លេងធ្លាក់ជាងមុនខ្លាំង ហើយប៉ុន្មានប្រកួតចុងក្រោយនេះ សុវណ្ណនាថចាញ់ច្រើនជាងឈ្នះ ដ្បិតវ័យច្រើនជាងមុន។ តែយ៉ាងណា ស្រីតូច មិនប្រកាន់ខឹងឡើយ ផ្ទុយទៅវិញមានតែលើកទឹកចិត្តបន្ថែម ដើម្បីឱ្យខិតខំលេងឱ្យល្អដូចមុនវិញ។
ស្រីតូច បញ្ជាក់ ៖«ហ្នឹងហើយមួយរយៈនេះរៀងចាញ់ច្រើន តែបើសម្រាប់ចិត្តខ្ញុំ ខ្ញុំអត់បន្ទោសទេ...ខ្ញុំមានតែលើកទឹកចិត្តថែម មានតែថាខំប្រឹងលេងឱ្យល្អដូចមុនទៅ មិនបាច់ខំភ័យទេ អ្នកគាំទ្រយើងងៃណាដែលយើងល្អ គេនៅតែគាំទ្រយើង មិនបាច់ភ័យទេ ឱ្យតែថាយើងលេងល្អដូចមុន តែគ្រាន់ដោយសារតែថា ចាញ់ហ្នឹង ចាញ់ដោយសារចាប់គូក្រោមគេពេក ចាប់គូក្រោមគេខ្លាំងហ្មង»។
អ្នកស្រីបានឱ្យដឹងទៀតថា ទម្រង់លេងរបស់ស្វាមីខ្លួនធ្លាក់ខ្លាំងបែបនេះ មិនមែនទើបតែឥឡូវទេ ពោលធ្លាក់តាំងពីមុនរៀបការមកម្ល៉េះ ប៉ុន្តែចាញ់ឬឈ្នះគឺជារឿងធម្មតា ហើយអ្នកស្រីក៏មិនខឹងអ្វីដែរ មានតែលើកទឹកចិត្តថែម៕