មើលពិន្ទុឈីប A14 ប្រើលើ iPhone 5G ខ្លាំងលើសមុនកម្រិតណា?
- 2020-10-05 01:54:48
- ចំនួនមតិ 0 | ចំនួនចែករំលែក 0
មើលពិន្ទុឈីប A14 ប្រើលើ iPhone 5G ខ្លាំងលើសមុនកម្រិតណា?
ចន្លោះមិនឃើញ
iPad Air 4 ដែល Apple បានប្រកាសចេញកាលពីខែមុនគឺជាផលិតផលដំបូងដែលមានប្រើប្រាស់នូវបន្ទះឈីប A14 Bionic ដែលគេរំពឹងថា iPhone 12 ក៏នឹងប្រើប្រាស់បន្ទះឈីបនេះផងដែរ។
បើតាមគណនី Ice Universe បានបញ្ចេញនូវលទ្ធផលធ្វើតេស្ត Geekbench លើ iPad Air 4 ដែលដំណើរការដោយប្រព័ន្ធប្រតិបត្តិការ iOS 14.0.1 អាចឲ្យឃើញថាបន្ទះឈីប A14 Bionic មានសមត្ថភាពខ្លាំងក្លាកម្រិតណា បើប្រៀបនឹងឈីប A12 Bionic និងឈីប A13 Bionic។
លទ្ធផលនៃការធ្វើតេស្តបង្ហាញថាឈីប A14 Bionic ទទួលបាន ១៥៨៣ពិន្ទុ សម្រាប់ដំណើរការ Single-Core និងទទួលបាន ៤១៩៨ពិន្ទុ សម្រាប់ដំណើរការ Multi-Core។ នេះមានន័យថាឈីប A14 Bionic មានសមត្ថភាពប្រសើរជាងឈីប A12 Bionic ចំនួន ៤២% សម្រាប់ Single-Core និងប្រសើរជាង ៤៨% សម្រាប់ Multi-Core។
បើប្រៀបនឹងឈីប A13 Bionic ដែលប្រើលើត្រកូល iPhone 11 វិញ ឈីប A14 Bionic មានសមត្ថភាពប្រសើរជាងប្រមាណ ២០% សម្រាប់ Single-Core និងប្រសើរជាង ២៨% សម្រាប់ Multi-Core។
តួលេខនេះអាចបង្ហាញបានថាសមត្ថភាព iPhone 12 ធៀបនឹង iPhone 11 គឺមិនជាខុសគ្នាខ្លាំងប៉ុន្មានឡើយ ប៉ុន្តែឈីប A14 Bionic អាចជួយឲ្យ iPhone 12 បន្តកាន់តំណែងជាស្មាតហ្វូនមានសមត្ថភាពខ្លាំងជាងគេលើទីផ្សារ៕