អ្នកជំនាញភ្ញាក់ផ្អើល! ពេលឃើញបច្ចេកទេសផ្សារថ្ម ដ៏សាមញ្ញរបស់ខ្មែរ តែជាប់រាប់ពាន់ឆ្នាំ

2020-10-14 01:39:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកម្ពុជាគឺជាទឹកដីសុវណ្ណភូមិ ប្រមូលផ្ដុំដោយសម្បត្តិសិល្បៈវប្បធម៌យ៉ាងសម្បូរបែប ជារដ្ឋដែលគេប្រសិទ្ធិនាមថាដែនដីអំនួតខាងប្រាសាទ មានកេរ្តិ៍ឈ្មោះល្បីល្បាញសាយភាយពាសពេញពិភពលោក។

កម្ពុជាមានប្រវត្តិសង់ប្រាសាទតាំងពីអំឡុងសតវត្សទី៦ម្ល៉េះ ដូចមានប្រាសាទភ្នំដា នៅខេត្តតាកែវជាភស្តុតាងស្រាប់។ ច្រើនរជ្ជកាល ច្រើនសតវត្ស ប្រាសាទបុរាណរាប់រយពាន់បានសង់នៅលើទឹកដីដ៏មានប្រវត្តិយូរលង់មួយនេះ។ មកដល់បច្ចុប្បន្នប្រាសាទទាំងឡាយនោះខ្លះខូចខាតនៅសល់តែគ្រឹះ ខ្លះទ្រុឌទ្រោម ខ្លះនៅរក្សារូបរាងបានល្អ។ តួលេខដែលមិនប្រាកដប្រជាទាំងស្រុង គឺខ្មែរបានសង់ប្រាសាទចំនួន១០៧០ប្រាសាទ។

ដូនតាខ្មែរចាប់ផ្ដើមសាងសង់ប្រាសាទនៅចុងសម័យនគរភ្នំ រួចបន្តទម្លាប់នេះរហូតដល់សម័យចេនឡា និងសម័យអង្គរ ឬមហានគរ។ នៅសម័យក្រោយៗ ដូចជាសម័យចតុមុខ លង្វែក និងឧត្តុង្គ ត្បិតអាណាចក្រខ្មែរមានថមថយឥទ្ធិពលរបស់ខ្លួន ហើយមិនបានបន្តសង់ប្រាសាទថ្មដូចមុនក៏គេឃើញដូនតាខ្មែរនៅតែបន្តជួសជុលប្រាសាទដែលមានស្រាប់ទាំងនោះឥតដាច់ពោលគឺមិនមែនបោះចោលទាំងស្រុកនោះទេ។

ខ្មែរដែលទទួលឥទ្ធិពលពីឥណ្ឌា មានជំនាញ និងអភិវឌ្ឍខ្លួនបានយ៉ាងល្អលើបច្ចេកទេសសាងសង់ប្រាសាទ ជាក់ស្ដែងអ្នកបច្ចេកទេសលើសំណង់សម័យទំនើបនាពេលបច្ចុប្បន្ន បានភ្ញាក់ផ្អើលនៅពេលឃើញការប្រើជំនាញផ្សារភ្ជាប់ថ្មយ៉ាងសាមញ្ញរបស់ដូនតាខ្មែរដើម្បីធ្វើឲ្យថ្មអាចខាំជាប់គ្នារហូតរាប់ពាន់ឆ្នាំ នេះគឺជាមោទនភាព និងចំណេះដឹងមួយដែលកូនចៅជំនាន់ក្រោយគួរស្វែងយល់៕

សូមមើលរូបភាព ថតដោយលោកពូ គ្រៀល ស៊ីណា នៅខាងក្រោម៖