ក្មេងស្រីអាយុ ៧ ឆ្នាំម្នាក់កើតជំងឺមហារីកឈាម ដោយសារតែរបស់លេងដ៏ល្បីពេញបណ្ដាញសង្គមមួយនេះ
- 2020-10-14 06:10:00
- ចំនួនមតិ 0 | ចំនួនចែករំលែក 0
ក្មេងស្រីអាយុ ៧ ឆ្នាំម្នាក់កើតជំងឺមហារីកឈាម ដោយសារតែរបស់លេងដ៏ល្បីពេញបណ្ដាញសង្គមមួយនេះ
ចន្លោះមិនឃើញ
គ្មានឪពុកម្ដាយណាដែលអាចធ្វើចិត្តបានទេ ពេលដែលលឺដំណឹងបែប ថែមទាំងបានដឹងថសដោយសារតែគាត់បានទិញរបស់លេងបែបនេះអោយគាត់លេងទើបបានកើតជំងឺអ៊ីចឹងនោះ។ តាមរយះគេហទំព័រពត៌មានចិនបានផ្សព្វផ្សាយថាក្មេងស្រីអាយុ ៧ ឆ្នាំម្នាក់នៅស្រុក ក្វាងចូវនៃប្រទេសចិនត្រូវបានបញ្ជូនមកមន្ទីរពេទ្យដោយសារតែឈាមច្រមុះមិនបាត់សោះ តែក្រោយមកត្រូវបានរកឃើញថាបានកើតមានជំងឺមហារីកឈាម Leukemia។ ដោយសារតែចង់ដឹងពីមូលហេតុអោយបានច្បាស់លាស់នោះ គ្រូពេទ្យក៏បានសាកសួរពីអាហារដែលគាត់ទទួលទានជាប្រចាំ ហើយក៏រកឃើញថាគាត់មានទម្លាប់លេងដីឥដ្ឋផ្លាស្ទីកដែលត្រូវបានគេនិយមស្គាល់ថា Slime។
ដីឥដ្ឋប្រភេទនេះមានការពេញនិយមជាខ្លាំងមិនត្រឹមតែក្មេងតូចៗនោះទេ សូម្បីតែមនុស្សពេញវ័យមួយចំនួនធំក៏ចូលចិត្តលេងវាដែរ។ វាត្រូវបានផ្សំឡើងពីសារជាតិដែលងាយរលាយ ដូចជាកាវ (PVA, ជាតិអាល់កុលប៉ូលីវីលីន) Borax សូដ្យូមអ៊ីដ្រុកសាយ សូដ្យូមប៊ីកាបូណាតជាដើម។
យោងតាមការផ្សព្វផ្សាយពី BBC កាលពីឆ្នាំ ២០១៧ បានបង្ហាញថា ៨ ក្នុង ចំនោម ១១ នៃ Slime ដែលគេយកមកពិសោធសាកល្បង មានផ្ទុកសារជាតិ Borax ៣ ទៅ ៤ ដងច្រើនជាងចំនួនដែលត្រូវបានអនុញ្ញាតដោយស្ដង់ដារសុវត្ថិភាពអឺរ៉ុប។
សាជាតិ Borax នេះ បើលេបចូលទៅអាចបណ្តាលឱ្យក្អក ឈឺបំពង់ក រលាកស្បែក ឈឺភ្នែក ក្អួតចង្អោរ រាគរូស ឈឺក្បាល ខ្សោយសាច់ដុំ ងងុយគេង និង កំរិតខ្ពស់នៃការប្រកាច់ គួបផ្សំនឹងសារធាតុគីមីជាច្រើនមុខទៀតនៅក្នុងនោះដែលអាចបណ្ដាលអោយក់ើតជំងឺមហារីកជាច្រើនប្រភេទ។