លេចមុខកូនខ្មែរកាត់សាំងហ្គាពួរម្នាក់ ផ្ដើមអាជីពដើរម៉ូតក្នុងក្រុម Perfect 10

2020-10-16 03:24:04
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវតីវ័យ១៦ឆ្នាំដែលជាកូនខ្មែរកាត់សាំងហ្គាពួ Grace Lin បានបង្ហាញមោទនភាពដែលខ្លួនមានចំណេះដឹង បទពិសោធន៍ និងទំនុកទុកចិត្តកាន់តែខ្ពស់ ដើម្បីឈានទៅចាប់អាជីពដើរម៉ូត និងក្លាយជាផលិតករភាពយន្តល្បីឈ្មោះមួយរូប ក្រោយពីនាងបានសម្រេចចិត្តចូលក្នុងក្រុម Perfect 10 ជាង៣ខែ។

Grace Lin (ប្រភពរូប៖ potatointhehouse)

Grace Lin និយាយថា វាពិតជាមានការលំបាកណាស់សម្រាប់រូបនាងក្នុងការប្រឡូកក្នុងអាជីពដើរម៉ូតដំបូង ប៉ុន្តែPerfect10 បានជំរុញ និងលើកទឹកចិត្តនាងរហូតនាងក្លាយជាមនុស្សដែលមានទំនុកចិត្តខ្ពស់លើខ្លួនឯង និងមានឱកាសបានជួបតារាម៉ូដែលថ្មីៗដ៏គួរឲ្យចាប់អារម្មណ៍ជាច្រើនទៀតផង។

ក្នុងរយៈពេលបីខែដែលរូបនាង បានប្រឡូកចូលក្នុងសិល្បៈបង្ហាញម៉ូតដោយធ្វើជាតារាម៉ូដែលក្នុងក្រុមPerfect 10 ក៏បានធ្វើឲ្យនាងមានឱកាសកាន់តែច្រើនក្នុងការចាប់យកអាជីពដើរម៉ូត និងផលិតករភាពយន្ដដែលជាក្ដីប្រាថ្នារបស់នាងជាយូរមកហើយនោះ។

ប្រភពរូប៖ potatointhehouse

Grace Lin បញ្ជាក់ថា បច្ចុប្បន្នរូបនាងមានបទពិសោធន៍ដើរម៉ូត ផលិតភាពយន្ត អ្នករៀបចំឆាកសម្ដែង និងជាអ្នកថតរូប ប៉ុន្តែអ្វីដែលនាងពេញចិត្តខ្លាំងជាងគេនោះ គឺចង់ក្លាយជាតារាម៉ូដែល និងផលិតករភាពយន្ត។ នាងអគុណដល់ក្រុមPerfect 10 ដែលបានដុសខាត់បន្ថែមនូវជំនាញរបស់នាងទាំងអស់នេះ៕