សហព័ន្ធកីឡាយានយន្ត ធ្វើមហាសន្និបាតបញ្ចប់អាណត្តិទី២ និងបន្តអាណត្តិថ្មីរបស់ខ្លួន

2020-10-18 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាយានយន្តកម្ពុជា បានធ្វើមហាសន្និបាតបញ្ចប់អាណត្តិទី២របស់ខ្លួន កាលពីរសៀលថ្ងៃសុក្រ ទី១៦ តុលា ២០២០ និងរុះរើសមាសភាពខ្លះៗដើម្បីដំណើរការឆ្ពោះទៅបន្តអាណត្តិថ្មី ២០២០ ដល់ ២០២៤។

ឯកឧត្ដម មៀច សុផាន់ណា

ឯកឧត្ដម មៀច សុផាន់ណា ប្រធានសហព័ន្ធកីឡាយានយន្តនេះបានឲ្យដឹងថា មហាសន្និបាតដែលរៀបចំឡើងនេះគឺដើម្បីបូកសរុបការងារ និងពិនិត្យការងារដែលបានធ្វើរួចនូវអាណត្តិចាស់កន្លងទៅនេះ។ កម្មវិធីនេះដែរគឺសមាជិក ក៏ដូចជាមន្ត្រីគណៈកម្មការប្រតិបត្តិទាំងអស់មានវត្តមាននេះ អាចលើកជាមតិយោបល់ ឬវត្ថុបំណងផ្សេងៗដែលចង់ឲ្យសហព័ន្ធមានភាពរលូន និងរីកចម្រើនជាងនេះទៅទៀត។

ទិដ្ឋភាពមហាសន្និបាត

ប្រធានសហព័ន្ធខាងលើនេះលើកឡើងទៀតថា កិច្ចការកីឡានេះគឺជាកិច្ចការដែលមិនមានផលប្រយោជន៍ផ្ទាល់ខ្លួនអ្វីនោះទេ ភាគច្រើនអ្នកមកនេះគឺចង់ជួយ។ ដោយឡែកសម្រាប់ការប្រជុំនេះដែរក៏ត្រូវមានការដោះដូរសមាសភាពខ្លះៗដែរ ដោយសារតែមានអ្នកខ្លះមានតែឈ្មោះមិនបានមកចូលរួមជួយធ្វើ និងអ្នកខ្លះរវល់ជាដើម។ ឯកឧត្ដមលើកទឹកចិត្តដល់អ្នកដែលមានសមត្ថភាព ឬគិតថាខ្លួនអាចជួយការងារសហព័ន្ធផ្សេងៗបានអាចមកចូលជាគណៈកម្មការប្រតិបត្តិជាដើម។

ទិដ្ឋភាពមហាសន្និបាត

រំលឹកដែរថា សម្រាប់មហាសន្និបាតអាណត្តិទី៣ នេះធ្វើឡើងកាលពីថ្ងៃសុក្រ ទី១៦ តុលា ២០២០ នៅទីស្នាក់ការគណៈកម្មការជាតិអូឡាំពិកកម្ពុជា។ ប្រធានសហព័ន្ធកីឡាយានយន្តអាណត្តិទី៣ ឆ្នាំ២០២០ ដល់ ២០២៤ នេះឯកឧត្ដម មៀច សុផាន់ណា នៅតែជាប្រធានដដែល៕

អត្ថបទ៖ នួន ស៊ីណា