សហព័ន្ធកីឡាវាយកូនឃ្លីលើតុ បើកការប្រកួតថ្នាក់ជាតិចម្រាញរកជើងខ្លាំងរយៈពេល៦ថ្ងៃ
- 2020-10-20 04:27:01
- ចំនួនមតិ 0 | ចំនួនចែករំលែក 0
សហព័ន្ធកីឡាវាយកូនឃ្លីលើតុ បើកការប្រកួតថ្នាក់ជាតិចម្រាញរកជើងខ្លាំងរយៈពេល៦ថ្ងៃ
ចន្លោះមិនឃើញ
សហព័ន្ធកីឡាវាយកូនឃ្លីលើតុ ធ្វើពិធីបើកការប្រកួតជ្រើសរើសជើងឯកថ្នាក់ជាតិ និងពានរង្វាន់លើកទី១ ជាផ្លូវការហើយម្សិលមិញនេះដើម្បីចម្រាញរកជើងខ្លាំងថ្មីៗទៀតលើប្រភេទកីឡាមួយនេះ។
លោក ស៊ុន សុទ្ធារិទ្ធ អគ្គលេខាធិការសហព័ន្ធបានឲ្យដឹងថា ការប្រកួតជ្រើសរើសជើងឯកឆ្នាំ២០២០ និងពានរង្វាន់លើកទី១នេះ គឺបែងចែកជា២ក្រុម ទី១ ក្របខណ្ឌ ក១ និងទី២ ក្របខណ្ឌ ក២ ដែលទាំងពីរក្រុមក្របខណ្ឌនឹងប្រកួតលើ៤វិញ្ញាសា។
ការប្រកួតដែលធ្វើឡើងនេះគឺគោលបំណងចង់បំផុសបំផុលលើប្រភេទកីឡានេះឲ្យរឹតតែមានការគាំទ្រលេង ឬហ្វឹកហាត់បន្ថែមទៀត មិនថានៅរាជធានីភ្នំពេញតាមបណ្ដាខេត្តនោះឡើយ។ មួយវិញទៀតការប្រកួតនេះគឺជាការចម្រាញរកមើលជើងខ្លាំងថ្មីៗ ដែលមានសមត្ថភាពល្អបន្ថែមទៀតដែរ ដើម្បីជាការត្រៀមសម្រាប់ការប្រកួតនៅស៊ីហ្គេម ឆ្នាំ២០២៣ ពេលកម្ពុជាធ្វើជាម្ចាស់ផ្ទះជាដើម។
រំលឹកដែរថា ការប្រកួតជ្រើសរើសជើងឯកថ្នាក់ជាតិ និងពានរង្វាន់លើកទី១ របស់សហព័ន្ធវាយកូនឃ្លីលើតុ ឆ្នាំ២០២០ នេះមាន២២ក្លឹបចូលរួមសរុបកីឡាករ កីឡាការិនី ១៧៣នាក់។ ការប្រកួតប្រព្រឹត្តិទៅចាប់ពីថ្ងៃទី១៩ ដល់ ២៤ ខែតុលា ឆ្នាំ២០២០ នៅសាលដំបូលទូក ក្នុងពហុកីឡដ្ឋានជាតិ៕