Jungkook សម្រេចលក់ចេញ អគារស្នាក់ដ៏ស៊ីវីល័យតម្លៃខ្ទង់លានដុល្លារហើយ
- 2020-10-20 07:28:31
- ចំនួនមតិ 0 | ចំនួនចែករំលែក 0
Jungkook សម្រេចលក់ចេញ អគារស្នាក់ដ៏ស៊ីវីល័យតម្លៃខ្ទង់លានដុល្លារហើយ
ចន្លោះមិនឃើញ
មានសេចក្ដីរាយការណ៍មកថា Jungkook សមាជិកក្រុម BTS បានលក់អគារស្នាក់នៅលំដាប់ខ្ពស់របស់ខ្លួនហើយកាលពីពេលថ្មីៗនេះ។
តារាចម្រៀងវ័យក្មេងរូបនេះបានទិញផ្ទះស្ថិតក្នុងអគារ Trimage ដែលស្ថិតនៅតំបន់ Seoul Forest កាលពីពេលកន្លងទៅ។ អគារស្នាក់នេះ ដាក់លក់នៅតម្លៃខ្ពស់ ដោយសារវាមានទីតាំងនៅកន្លែងត្រូវប៉ាន់ អាចមើលឃើញទាំងទេសភាពទន្លេ Han និងជ្រុងផ្សេងទៀតចំបេះដូងរបស់ក្រុងសេអ៊ូល។
Jungkook បានទិញ Apartment ជាន់ទី១៧ Block ១០១នេះកាលពីឆ្នាំ ២០១៨។ លោកបានចំណាយដល់ទៅខ្ទង់ ១,៩៥ពាន់លានវ៉ុន (ប្រហែល ១,៧លានដុល្លារ) ពេលនោះ។ ក្រោយមកលោកក៏សម្រេចលក់វាចេញវិញ ដោយដាក់លក់លើទីផ្សារកាលពីខែកក្កដា ឆ្នាំ ២០២០ ក្នុងតម្លៃ ២,០៥ពាន់លានវ៉ុន (ប្រហែល ២,១៩លានដុល្លារ)។ ទោះជាតម្លើងតម្លៃលក់មែន ប៉ុន្តែបើគិតទាំងពន្ធ និងការបង់កម្រៃផ្សេងៗទៀត ទំនងជា Jungkook មិនបានចំណេញនោះទេ។
ក្នុងនោះក៏មានការបន្ថែមដែរថា ទោះបី Jungkook ទិញផ្ទះទុកនៅមែន ក៏លោកមិនបាននៅដែរ ដោយសារបច្ចុប្បន្ន លោកមានការងាររវល់ និងរស់នៅក្នុងផ្ទះ BTS ដែលជាការផ្ដល់ឲ្យដោយក្រុមហ៊ុន Big Hit ដែលស្ថិតនៅ Hannam The Hill ទីកន្លែងដែលសុទ្ធតែអ្នកអភិជន ទើបមានលទ្ធភាពបង់នៅបាន៕