Isco និយាយដើម Zidane ជាមួយកីឡាករដទៃទៀត មុនប្រកួត El Clasico ចាប់ផ្ដើម
- 2020-10-26 11:14:21
- ចំនួនមតិ 0 | ចំនួនចែករំលែក 0
Isco និយាយដើម Zidane ជាមួយកីឡាករដទៃទៀត មុនប្រកួត El Clasico ចាប់ផ្ដើម
ចន្លោះមិនឃើញ
ខ្សែបម្រើអេស្ប៉ាញកីឡាករ Isco ត្រូវបានកាម៉េរ៉ាទូរទស្សន៍ថតជាប់និយាយដើមគ្រូបង្គោល Real Madrid លោក Zinedine Zidane ជាមួយខ្សែបម្រើក្រូអាត Luka Modric និងខ្សែការពារស្លាប Marcelo។
កីឡាកររូបនេះបាននិយាយថា៖ “ ខ្ញុំមិនដឹងនិយាយថាយ៉ាងម៉េចទេ។ គាត់ [Zidane] បើចង់ដូរខ្ញុំចេញ ដូរចេញត្រឹមនាទី ៥០ ឬ ៦០ ហើយជួនកាលដូរចេញនៅពាក់កណ្ដាលតង់តែម្ដង “ ។
Isco បានបន្តថា៖ “ ប្រសិនចង់ឲ្យដាក់ចូលលេងវិញ ចេះតែសង្ឃឹមទៅ គាត់ដាក់ខ្ញុំចូលនៅនាទី ៨០ ឯណោះ “ ។
ជាការឆ្លើយតប Modric បានញញឹមតទៅវិញ ឯ Marcelo វិញបានសើចនឹងសម្ដីនេះ។
គួររំលឹកផងដែរថា Isco បានមករួមរស់នៅ Real Madrid អស់រយៈពេលជាង ៧ឆ្នាំមកហើយ បន្ទាប់ពីចាកចេញពីក្លឹប Malaga ក្នុងនាមជាកីឡាករឆ្នើមវ័យក្មេង។ នៅឆ្នាំដំបូងៗ Isco លេងបានញឹកញាប់ណាស់ ដោយលេងមួយឆ្នាំយ៉ាងតិចក៏ ៥០ប្រកួតដែរ តែក្រោយៗមកលេងបាន ៣០ប្រកួត ហើយក្នុងលក្ខណៈលេងក្រៅម៉ោង មួយភ្លែត ពីរភ្លែតទេ៕