សកម្មជនថៃ ៤ នាក់រួមទាំងមេដឹកនាំបាតុកម្ម និងមេធាវីការពារសិទ្ធិមនុស្ស អាណុន ណាំប៉ា ត្រូវបានដោះលែងនៅព្រឹកថ្ងៃអង្គារទី ៣ ខែវិច្ឆិកា និងបានសន្យាថានឹងបន្តប្រយុទ្ធដើម្បីបណ្តេញលោកនាយករដ្ឋមន្រ្តី ប្រាយុទ្ធ ចាន់អ៊ូចា និងធ្វើកំណែទម្រង់រាជាធិបតេយ្យ។

ក្រុមសកម្មជនទាំងនោះ ស្ថិតក្នុងចំណោមមនុស្សរាប់សិបនាក់ ដែលត្រូវបានចាប់ខ្លួនក្នុងអំឡុងពេលមានវិធានការបន្ទាន់ ដែលរដ្ឋបានដាក់កាលពីខែមុន ដើម្បីព្យាយាមបញ្ចប់ការតវ៉ារាប់ខែមក។

ពួកគេទាំង ៤ នាក់ត្រូវបានដោះលែងបន្ទាប់ពីតុលាការបានសំរេចថា ប៉ូលីសបានឈានដល់កំរិត នៃការឃុំខ្លួនពួកគេ។ ពួកគេនៅតែប្រឈមនឹងសណ្តាប់ធ្នាប់សាធារណៈ និងការចោទប្រកាន់ផ្សេងទៀតទាក់ទងនឹងការតវ៉ា។

លោកអាណុន បាននិយាយបន្ទាប់ពីត្រូវបានដោះលែងពីពន្ធនាគារនៅទីក្រុងបាងកក រ៉េនដេន ដែលជាកន្លែងដែលអ្នកគាំទ្ររាប់រយនាក់បានប្រមូលផ្តុំគ្នាបាននិយាយថា "យើងចេញហើយត្រៀមខ្លួនប្រយុទ្ធម្តងទៀត"៕

ប្រភព៖ CNA   ប្រែ​សម្រួល៖ ប៊ិន ប៊ុណ្ណា