ជើងខ្លាំងកម្ពុជា ប៊ុន កេន្នី កំពុងដណ្ដើមជើងឯក F1 រសៀលនេះ

2014-11-21 22:23:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវាយកូនបាល់ជើងខ្លាំងប្រចាំប្រទេសកម្ពុជា ប៊ុន កេន្នី កំពុងធ្វើការប្រកួតប្រជែងយកជើងឯកពានរង្វាន់ ITF MEN'S FUTURE EVENTS សម្រាប់ការប្រកួតក្នុងសប្ដាហ៍ទី១នេះ ផ្នែកវាយគូបុរស ដោយធ្វើការចាប់ដៃគូជាមួយកីឡាករកាណាដា ហើយត្រូវជួបប្រជែងនឹងកីឡាករហ្វីលីពីន ដែលបានចាប់ដៃគូជាមួយកីឡាករឥណ្ឌូណេស៊ី នៅលើទីលានមជ្ឈមណ្ឌលវាយកូនបាល់កម្ពុជា។

ប៊ុន កេន្នី ប្រកួតកាលឆ្នាំ២០១៣

ការប្រកួតនៅសប្ដាហ៍ទី១នេះមានកីឡាករជាច្រើនរូបធ្វើការចូលរួមប្រកួតប្រជែង ដែលមកពី១៩ប្រទេស ហើយកម្ពុជាក៏មានកីឡាករចំនួន៦រូបចូលរួមផងដែរ ប៉ុន្តែនៅសល់តែ ប៊ុន កេន្នី ម្នាក់ប៉ុណ្ណោះដែលឡើងមកដល់វគ្គផ្ដាច់ព្រ័ត្រផ្នែកវាយគូបុរសនេះ។ មិនដឹងថា ប៊ុន កេន្នី និងដៃគូ អាចធ្វើបានល្អប៉ុណ្ណា នោះទេក្នុងការប្រកួតនេះ។

ដោយឡែក នៅព្រឹកថ្ងៃស្អែកវិញជាការប្រកួតជ្រើសរើសជើងឯកកីឡាវាយកូនបាល់សប្ដាហ៍ទី១នេះ ផ្នែកវាយទោលបុរស ដែលជាការជួបគ្នារវាងកីឡាករ ឥណ្ឌា និងកូរ៉េខាងត្បូង។ នេះបើតាមការឲ្យដឹងពីលោកគ្រូ ជា ពៅ គ្រូបង្វឹកកីឡាវាយកូនបាល់កម្ពុជា។

យោងតាមកម្មវិធីប្រកួត កីឡាករ ឥណ្ឌា និងត្រូវជួបកីឡាករ កូរ៉េខាងត្បូង នៅម៉ោង១០ព្រឹក ថ្ងៃស្អែកនេះ សម្រាប់តំណែងជើងឯកផ្នែកវាយទោលបុរស។ នេះជាលើកទី៤ហើយដែលកម្ពុជាបានរៀបចំព្រឹត្តិការណ៍ដ៏ធំសម្បើមនេះ ដែលមានកីឡាករមកពីជាង៣០ប្រទេសបានចូលរួមប្រកួតប្រជែង៕

ព័ត៌មានកីឡាច្រើនទៀត សូមចុចទីនេះ...

អត្ថបទ៖ អៀង សូទ្រី