ទើបបែកធ្លាយ! ប៉ែន ភ័ក្រសុធារិទ្ធ ស្កាត់ជួបនារីក្រៅសិល្បៈដ៏ស្រស់ស្អាតម្នាក់

2020-11-27 02:56:36
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង ប៉ែន ភ័ក្រសុធារិទ្ធ កាន់តែមានប្រជាប្រិយភាពខ្លាំង ខណៈដែលការងារថតក៏មមាញឹកណាស់ដែរនៅចុងឆ្នាំ២០២០ នេះ។ កំពុងតែឡើងកូដដូច្នេះ គេកម្រឃើញសិល្បករ ឬសិល្បការិនីខ្មែររូបណាបង្ហើបពីទំនាក់ទំនងស្នេហាក្រៅឆាកណាស់។

ដោយឡែកតារារូបសង្ហា សម្បូរសាច់ដុំរូបនេះ បានបង្ហើបប្រាប់ Sabay ថា ខណៈដែលលោកគិតគូររឿងគ្រួសារប៉ា-ម៉ាក់ និងការងារទាំងក្នុង និងក្រៅសិល្បៈនោះ លោកក៏ឆ្លៀតពេលមើលចិត្តថ្លើមនារីម្នាក់ដែរ ប៉ុន្តែយ៉ាងហោចណាស់ក៏ប្រើពេល៥ឆ្នាំទៀតដែរ ទម្រាំដឹកដៃនារីម្នាក់នោះចូលរោងការ។

ប៉ែន ភ័ក្រសុធារិទ្ធ៖"គាត់មិនមែនជាអ្នកសិល្បៈទេ យើងស្រឡាញ់គ្នា តែមិនទាន់នៅជាមួយគ្នាទេ និយាយរួមយើងគ្រាន់តែជាលក្ខណៈរាប់អានគ្នា មើលចិត្តថ្លើមគ្នាសិន ហើយពីរបីសប្ដាហ៍បានយើងជួបគ្នាម្ដង តែយើងបានMessage ឲ្យគ្នាញឹកញាប់"។

បច្ចុប្បន្នតារាសម្ដែង ប៉ែន ភ័ក្រសុធារិទ្ធ មានវ័យ២៩ឆ្នាំ។ លោកបានប្រឡូកក្នុងវិស័យសិល្បៈតាំងពីឆ្នាំ២០១០ ប៉ុន្តែលោកទើបទទួលបានការងារសម្ដែងច្រើននៅក្នុងរយៈពេល៥ឆ្នាំចុងក្រោយនេះ។ លោកធ្លាប់សម្ដែងជាតួអង្គឯក និងតួអង្គសំខាន់ៗក្នុងខ្សែភាពយន្ដភាគ និងរឿងដុំសរុបជាង៣០រឿង។ បច្ចុប្បន្នលោកកំពុងថតរឿងភាគជាច្រើនទៀតដូចជា៖រឿង"ស្នេហ៍លាងគំនុំ" និងរឿង"ស្ពានឈើអភ័ព្វ" ជាដើម៕

អត្ថបទ៖ ជិន សុភ័ក្ដ្រ