Jose ថារក្សាតំណែងកំពូលកំពូលតារាង គឺជារឿងសំខាន់បំផុតនៅរាត្រីនេះ
- 2020-12-06 04:53:58
- ចំនួនមតិ 0 | ចំនួនចែករំលែក 0
Jose ថារក្សាតំណែងកំពូលកំពូលតារាង គឺជារឿងសំខាន់បំផុតនៅរាត្រីនេះ
ចន្លោះមិនឃើញ
ក្រុម Spurs នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Arsenal នៅម៉ោង១១:៣០នាទីយប់នេះ សម្រាប់ការប្រកួតពានរង្វាន់ English Premier League ។
នេះជាជំនួប London Derby ដែលកន្លងមកអ្នកគាំទ្រតាមដានខ្លាំងមែនទែន។ តែនៅពេលនេះវិញសម្រាប់លោក Jose Mourinho អះអាងថាវាលែងជាការប្រកួតជក់ចិត្តមួយទៀតហើយ។ ដោយសារតែក្រុមទាំងពីរមានគម្លាតគ្នាខ្លាំងពេក ធ្វើឱ្យការប្រកួតមិនសូវទាក់ទាញឡើយ។ មួយវិញទៀត គោលដៅរបស់លោកគឺយក៣ពិន្ទុឱ្យបានដើម្បីរក្សាតំណែងតារាងរបស់ក្រុម Spurs ប៉ុណ្ណោះ។
លោក Jose បាននិយាយថា៖ “យើងកំពុងស្ថិតនៅកន្លែងល្អមួយ។ ប្រវត្តិប្រកួតរវាងក្រុមទាំងពីរលែងសំខាន់ហើយ។ ខ្ញុំត្រូវការ៣ពិន្ទុបន្ថែមសម្រាប់ការប្រកួតនេះ។ យើងចង់ឈ្នះ Arsenal ជារឿងច្បាស់ ព្រោះយើងត្រូវការ៣ពិន្ទុសម្រាប់អ្នកគាំទ្ររបស់យើងដែលបានចូលមើលវិញ”។
រំលឹកថានៅរាត្រីនេះ Spurs នឹងមានអ្នកគាំទ្រ២ពាន់នាក់អាចចូលទស្សនានៅកីឡដ្ឋានបានហើយ ក្រោយពីរដ្ឋាភិបាលអង់គ្លេសប្រកាសពីគម្រោងបើកឱ្យអ្នកគាំទ្រចូលទស្សនាវិញកន្លងទៅនេះ៕