នាយករដ្ឋមន្រ្តីកម្ពុជា សម្តេចតេជោ ហ៊ុន សែន បានថ្លែងថា បាក់ឌុបឆ្នំានេះ ឱ្យជាប់ទំាងអស់គ្នា ហើយសិស្សានុសិស្ស ត្រូវបន្តខិតខំប្រឹងប្រែងរៀនសូត្រនៅដំណាក់កាលបន្តទៀត។ ការថ្លែងនេះ ធ្វើទ្បើងក្នុងឱកាសថ្លែងសារទៅកាន់ជនរួមជាតិ ស្តីពីស្ថានភាពជំងឺកូវីដ-១៩ នៅព្រឹកថ្ងៃទី ១៥ ខែធ្នូ ឆ្នំា២០២០នេះ។

បេក្ខជនដែលបានដាក់ពាក្យប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា ២០១៩-២០២០នេះ មានចំនួន ១២១,១០៨នាក់ កើន៤,០៦៥ (ស្រី៦៣,៩០៨នាក់)។ ក្នុងនោះថ្នាក់វិទ្យាសាស្ដ្រ ៤០,៧៤៦នាក់ (ស្រី២៣,៦២៩នាក់) និងថ្នាក់វិទ្យាសាស្ដ្រសង្គម ៨០,៣៦២នាក់ (ស្រី៦៦.៣៥នាក់)។

ដោយឡែកមណ្ឌលប្រទ្បងវិញ មានចំនួន ២១០មណ្ឌល (កើន៨មណ្ឌល) និងចំនួនបន្ទប់ ៤,៨៨៧បន្ទប់ (កើន១៦៣បន្ទប់) ក្នុងនោះថ្នាក់វិទ្យាសាស្ដ្រ មាន៧០មណ្ឌល (ថយ៥មណ្ឌល) ១,៦៥៤បន្ទប់ និងថ្នាក់វិទ្យាសស្ដ្រសង្គម មាន១៤០មណ្ឌល (កើន១៣មណ្ឌល) ៣,២៣៣បន្ទប់៕

អត្ថបទ៖ Tep Sovannmoly