យោងតាមប្រភពព័ត៌មានបានឲ្យដឹងថា Tesla អាចនឹងចេញលក់រថយន្តអគ្គិសនីតម្លៃថោកបំផុតរបស់ខ្លួន គឺខ្ទង់ ២៥ ០០០ដុល្លារ លឿនជាងការរំពឹងទុករបស់យើង ពោលគឺនៅឆ្នាំ២០២២ ឆាប់ៗខាងមុខនេះតែម្តង។

នៅក្នុងការត្រៀមខ្លួនសម្រាប់ម៉ូដែលថ្មីនេះ ក្រុមហ៊ុនផលិតរថយន្តអាមេរិកខាងលើ បានចាប់ផ្តើមទទួលយកការឌីហ្សាញ ក៏ដូចជាជួលមនុស្សបន្ថែមសម្រាប់គម្រោងមួយនេះផងដែរ។

របាយការណ៍បានឲ្យដឹងថា រថយន្តតម្លៃថោកបំផុតរបស់ Tesla នេះ ត្រូវបានទទួលការយល់ព្រម កាលពីខែកញ្ញា ឆ្នាំ២០២០ កន្លងទៅ ហើយខ្សែសង្វាក់ផលិតកម្មសម្រាប់រថយន្តនេះនឹងរួចរាល់ នៅក្នុងខែមីនា ឆ្នាំ២០២១។

ទោះបីជាយ៉ាងណាក៏ដោយ ព័ត៌មានលម្អិតទាក់ទងនឹងរថយន្តនេះ នៅមិនទាន់មាននោះទេ ប៉ុន្តែគេរំពឹងថា វានឹងផលិតឡើងដោយផ្អែកតាមគ្រោងឆ្អឹងនៃរថយន្ត Model 3 ហើយប្រើបច្ចេកវិទ្យាអាគុយអគ្គិសនីថ្មីរបស់ Tesla ទៀតផង៕

ប្រភព៖ carscoops   ប្រែ​សម្រួល៖ សេង ឡុង