Baekhyun និង Kai និយាយពីការ Comeback របស់ EXO ថ្ងៃអនាគត

  • 2021-01-14 05:00:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលសមាជិក EXO ទាំងអស់កំពុង​មមាញឹក​នឹង​ការងារ​ទោល​រៀង​ខ្លួន អ្នកគាំទ្រ​តែតែ​សន្សំ​ចិត្តទន្ទឹង​រង់ចាំ​ថ្ងៃ​ដែល​ក្រុម​អាច​វិល​មក​ចេញ​បទ​ចម្រៀង​រួម​គ្នាដូចមុន​វិញ។

ជាក់ស្ដែង​ស្នាដៃ​ចុងក្រោយដែល​ EXO បាន​ចេញ​រួម​គ្នា​គឺអាល់ប៊ុមធំ «OBSESSION» ដែល​ចេញ​តាង​ពីចុង​ឆ្នាំ ២០១៩ ប៉ុន្តែ​ក៏​ត្រូវ​អវត្តមាន​សមាជិក​ ៣នាក់ដែរ មាន​ Lay ដែល​ចាប់ការងារ​ខ្លាំងនៅចិន ក៏ដូចជា​ Xiumin និង​ D.O ដែល​ជាប់​បំពេញ​កាតព្វកិច្ចក្នុងជួរទ័ព។

រម្លឹក​ពេល​ Kai ជជែក​លេង​ជាមួយ​នឹង​ Baekhyun កាល​ពី​ចេញ​ Promote អាល់ប៊ុម​ទោល​ដំបូង​របស់ខ្លួន ពួកគេ​បាន​លើក​យក​ប្រធានបទមួយ ទាក់ទងថា​តើ​ក្រុម​អាចវិល​មកជុំគ្នា និង​ចេញ​ស្នាដៃបាន​កក្រើក​ដូចមុន​ឬយ៉ាងណា?

Kai និយាយ​ថា៖ «សមាជិក​ទាំងអស់កំពុង​ផ្ដោតលើ​ការងារទោលរៀងខ្លួននៅ​មួយ​រយៈចុងក្រោយ ហើយ​ខ្ញុំ​ក៏​រៀន​បាន​ច្រើន និង​គិត​ខ្លាំង​ពី​បញ្ហា​នេះ​ដែរ»។

បន្ថែមពី​នេះ Kai និយាយ​ថា​ ពេល​នេះ​លោក ក៏ដូចជា​សមាជិកទាំងអស់​ប្រែជា​ចាស់ទុំអស់​ហើយ ដូចនេះ​ម្នាក់ៗត្រូវ​តែ​មាន​អ្វី​ថ្មី​រៀងៗខ្លួន ហើយ​បើ​និយាយ​ពី​រឿង​ Comeback ជាក្រុម លោក និង​ Baekhyun បាន​ជជែក​គ្នា​ច្រើន​ណាស់។

Baekhyun ផ្ទាល់​បន្ថែម​បន្ត​ថា​ នៅពេល​ណា​ដែល​សមាជិក​ EXO ទាំងអស់​អាចវិល​មក​ជុំគ្នា​វិញ ពណ៌សម្បុរ​របស់​ក្រុម​អាច​នឹងប្លែក​ខុសពីមុន អ្វីៗគ្រប់យ៉ាង​នឹង​ផ្លាស់ប្ដូរ ព្រោះគ្រប់គ្នា​បាន​ឆ្លងកាត់​ និង​ទទួល​បាន​បទពិសោធផ្សេងៗគ្នារយៈពេល​កន្លងមក​នេះ។

ប៉ុន្តែទោះជា​យ៉ាងណា​សម្រាប់ Baekhyun និង​ Kai ក៏ដូចជា​សមាជិក​ទាំងអស់​ ព្រម​ទាំង​ EXO-L ក៏កំពុង​រង់ចាំ​ថ្ងៃ​ដែល​ក្រុម​អាច​វិល​ជុំគ្នា​ដូចមុនវិញដែរ។ ម្យ៉ាង​សម្រាប់​ក្រុមអ្នកគាំទ្របាន​សម្ដែង​ការគាំទ្រ​មុន​បាត់ទៅហើយថា​ ទោះ​បី​បទ​ថ្មី​យ៉ាងណា​ក៏ដោយពួកគេ​នៅ​តែ​បន្ត​ក្ដី​ស្រឡាញ់​យ៉ាងពេញទំហឹង​ដូចមុនដដែល៕

ប្រភព៖ Koreaboo   ប្រែ​សម្រួល៖ យី សុធារី

បិទ