រំភើប! នាដការីថតត្រាប់រូបបុរាណ រម្លឹកពីការផាត់ខ្លួន និងមុខ.ស របស់របាំព្រះរាជទ្រព្យខ្មែរ ១០០ ឆ្នាំមុន

2021-01-14 09:36:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផាត់ខ្លួន និងមុខស របស់នាដការីរបាំព្រះរាជទ្រព្យនាពេលបច្ចុប្បន្នគឺមិនមែននឹកឃើញធ្វើតាមចិត្តនឹកឃើញ ឬក៏ការច្នៃប្រឌិតថ្មីនោះពោលគឺជាការត្រាប់តាមលំនាំដើមពីបុរាណតាំងពី១០០ឆ្នាំមុនឯណោះ។

រយៈពេលមួយសតវត្សទៅហើយ របាំព្រះរាជទ្រព្យ កាលក្នុងរជ្ជកាលហ្លួងព្រះសុីសុវត្តិគេនិយមយកម្សៅក្រអូបពណ៌.ស លាបមុខ លាបខ្លួនឲ្យ.ស គឺជាសិល្បៈមួយបែប មានអត្ថន័យជ្រាលជ្រៅដោយសារពណ៌.ស សម្រាប់តំណាងឲ្យភាពបរិសុទ្ធព្រហ្មចារី ដែលមិនទាន់មានប្រឡូកប្រឡាក់លើរាងកាយដ៏ស្អាតស្អំ។

ការផាត់មុខឡើងសស្គុស បង្ហាញថា ការផាត់នេះមិនត្រឹមតែលើកស្បែកឱ្យមានសម្រស់ជាងធម្មតាប៉ុណ្ណោះទេ តែគឺធ្វើឱ្យស្បែកនោះលែងមានពណ៌ជាប្រក្រតីថាជាស្បែកមនុស្ស។ អ្នករាំអាចញញឹមតិចតួច មិនអាចញញឹមខ្លាំងទេ កំុថាឡើយដល់ទៅមានសើចក្អាកក្អាយនោះ។ក្រៅពីការលាបមុខដោយម្សៅ តួអង្គរបាំបុរាណខ្លះមានពាក់"មុខ"ខ្មុកតែម្ដង។ ការមានលាបមុខ ឬការពាក់មុខនេះ ធ្វើឱ្យអ្នកសម្ដែងក្លាយទៅជាតួអង្គណាមួយវិញ អាចជាតំណាងឲ្យទេពឬតំណាងឲ្យទេពធីតាសួគ៌ាវិមាន។

ដើម្បីរម្លឹកពីការផាត់មុខ និងខ្លួនឲ្យ.សលើនាដការីរបាំខ្មែរ នាពេលកន្លងទៅនាដការីរបាំ បានទៅថតនៅទីតាំងប្រាសាទអង្គរវត្តដ៏ល្បីល្បាញរបស់ខ្មែរ និងត្រាប់តាមគ្រប់កាយវិការ របស់អ្នករបាំពីជំនាន់មុន ក្នុងន័យផ្ដល់តម្លៃ និងឧទ្ទិសដឹងគុណដល់ការខិតខំប្រឹងប្រែងរបស់ដូនតាខ្មែរតាំងពីបុរាណកាលមក៕