ប្រជាជនកម្ពុជាជាច្រើនកំពុងទន្ទឹងរងចាំវ៉ាក់សាំង កូវីដ១៩ របស់ចិន ដែលមានប្រសិទ្ធិភាពខ្ពស់ ខណ:ពលរដ្ឋខ្លះទៀត ជ្រើសរើសយកវិធីបង្ការការឆ្លងកូវីដ១៩ និង ថែរទាំសុខភាព តាមបែបធម្មជាតិ ជាជាងការចាក់វ៉ាក់សុាំង ដោយពួកគេភ័យខ្លាច ចំពោះការចាក់វ៉ាក់សុាំង។

វីដេអូខាងក្រោមនេះ គឺជាទស្សនៈផ្សេងៗគ្នារបស់ពលរដ្ឋ​ខ្មែរ លើការ​ទន្ទឹងរង់ចាំ​វ៉ាក់សាំងការពារ​កូវីដ១៩

កាលពីពេលថ្មីៗនេះ សម្តេចតេជោនាយករដ្ឋមន្រ្តី ហ៊ុន សែន បានប្រកាសនៅក្នុងសារជាសំលេងថា ប្រទេសកម្ពុជានឹងទទួលបានវ៉ាក់សាំង កូវីដ១៩ ចំនួនមួយលានដូស ពីប្រទេសចិន។ សម្តេច ហ៊ុន សែន បានថ្លែងអំណរគុណដល់រដ្ឋាភិបាលចិន ដែលបានផ្តល់វ៉ាក់សាំងនេះ ដល់ប្រទេសកម្ពុជាដោយឥតគិតថ្លៃ និង បានជំរុញឱ្យប្រជាជនរក្សាភាពស្ងប់ស្ងាត់ ខណៈ រដ្ឋាភិបាលកំពុងរៀបចំ ផែនការក្នុងការចែកចាយវ៉ាក់សាំងនេះ៕