realme បង្អួតសាច់ដុំស្មាតហ្វូនឆ្នាំ ២០២១ អេក្រង់ OLED មាន Refresh Rate ដល់ 160Hz
- 2021-01-21 03:30:26
- ចំនួនមតិ 0 | ចំនួនចែករំលែក 0
realme បង្អួតសាច់ដុំស្មាតហ្វូនឆ្នាំ ២០២១ អេក្រង់ OLED មាន Refresh Rate ដល់ 160Hz
ចន្លោះមិនឃើញ
ក្រុមហ៊ុន realme បានបង្ហាញរូបភាព Teaser នៃស្មាតហ្វូនលំដាប់ Flagship ប្រចាំឆ្នាំ ២០២១ របស់ខ្លួនគឺម៉ូដែល realme Race Pro។ ទន្ទឹមនឹងនេះក្រុមហ៊ុនក៏បានឲ្យដឹងអំពីលក្ខណៈសម្បត្តិខ្លះៗរបស់ Race Pro ជាមួយនឹង realme X9 Pro ផងដែរ។
realme Race Pro នឹងមានបំពាក់អេក្រង់ទំហំ ៦,៨អ៊ីញ ដែលជាប្រភេទ OLED អាចបង្ហាញរូបភាពកម្រិត 1440p និងមាន Refresh Rate 160Hz ផងដែរ។ បន្ថែមពីនេះវានឹងមានបំពាក់ឈីប Snapdragon 888, RAM មានទំហំដល់ 12GB ជាប្រភេទ LPDDR5, ថាមពលថ្ម 5000mAh, សាកថ្មកម្លាំង 125W និងអង្គផ្ទុកជម្រើស 128GB និង 512GB។
ចំណែក realme X9 Pro ត្បិតថាលក្ខណៈសម្បត្តិវាមិនខ្លាំងកប់ ប៉ុន្តែវាមានចំណុចលេចធ្លោត្រង់ថាជាស្មាតហ្វូនដំបូងគេដែលប្រើប្រាស់បន្ទះឈីបលំដាប់ Flagship ម៉ូដែល Dimensity 1200 របស់ MediaTek។ អេក្រង់របស់វាមានទំហំ ៦,៤អ៊ីញ អាចបង្ហាញរូបភាពកម្រិត 1080p ជាប្រភេទ OLED និងមាន Refresh Rate 120Hz, អង្គផ្ទុកទំហំដល់ 256GB, ថ្មទំហំ 4500mAh និងកម្លាំងសាក 65W។
ចូលផ្នែកកាមេរ៉ាវិញ realme Race Pro នឹងមានកាមេរ៉ាមេទំហំ 64MP បន្ថែមជាមួយកាមេរ៉ាពីរគ្រាប់ទៀតទំហំ 13MP។ ចំណែក X9 Pro នឹងមានកាមេរ៉ាមេទំហំ 108MP អមនឹងកាមេរ៉ាពីរគ្រាប់ទៀតទំហំ 13MP។
ស្មាតហ្វូនទាំងពីរនឹងប្រកាសចេញនៅអំឡុងត្រីមាសដំបូងនៃឆ្នាំ ២០២១ នេះ ដែលវារត់ដោយ realme UI 2.0 ដែលផ្អែកលើ Android 11។ ចំពោះតម្លៃលក់ ក្រុមហ៊ុនមិនទាន់ប្រកាសឲ្យដឹងនៅឡើយទេ៕