Oscar ៖ខ្ញុំចង់ទៅលេងឱ្យ Chelsea វិញ មុនបញ្ចប់អាជីពបាល់ទាត់

2021-01-27 03:39:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រេស៊ីល Oscar បានបង្ហើបគម្រោងចង់ត្រលប់ទៅលេងឱ្យក្រុម Chelsea វិញ មុនបញ្ចប់អាជីពបាល់ទាត់របស់ខ្លួន។

Oscar ជាអតីតកីឡាករ Chelsea ដែលធ្លាប់លេងពីឆ្នាំ២០១២ដល់២០១៧ មុនពេលសម្រេចចិត្តផ្លាស់ទៅលេងនៅលីគចិន ជាមួយតម្លៃពលកម្មខ្ពស់ និងមានតម្លៃខ្លួនគ្រានោះប្រមាណជា៦០លានផោន។ ខ្សែបម្រើរូបនេះកាលលេងឱ្យក្រុមតោខៀវ ធ្លាប់ជួយឈ្នះពាន Premier League បាន២ដងផងដែរ ក្នុងការបង្ហាញខ្លួន២០៣ប្រកួត រកបាន៣៨គ្រាប់។

បច្ចុប្បន្នរូបគេកំពុងលេងឱ្យក្រុម Shanghai SIPG ប៉ុន្តែទៅថ្ងៃអនាគតទៅ ក៏ចង់ត្រលប់ទៅលេងនៅអង់គ្លេសវិញផងដែរ។ កីឡាករវ័យ២៩ឆ្នាំបាននិយាយថា៖ “ខ្ញុំមិនទាន់ចង់ចេញពីចិនទេ។ នៅទីនេះ ខ្ញុំនៅមានរឿងធ្វើជាច្រើនទៀត ប៉ុន្តែទៅថ្ងៃអនាគត មុនបញ្ចប់អាជីពបាល់ទាត់ ខ្ញុំចង់ត្រលប់ទៅលេងឱ្យ Chelsea វិញសិន ខ្ញុំមានរឿងល្អៗជាច្រើននៅទីនោះ”៕

ប្រភព៖ Dailymail អត្ថបទ៖ វិធាវី