ទស្សនាព្រឹត្តិការណ៍ CCC 2014 ពីចម្ងាយតាមរយៈ SabayTV

2014-11-22 16:31:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ធ្លាប់ច្រណែនគេអត់ ពេលលឺមិត្តភ័ក្ដិថា ពួកគេបានមកចូលរួមគាំទ្រ និងទស្សនាកម្មវិធីផ្សេងៗ ជាពិសេសគឺព្រឹត្តិការណ៍ប្រកួតស្វែងរកជើងខ្លាំងកីឡាអេឡិចត្រូនិក E-Sports សេវាកម្សាន្តនានា របស់ Sabay Leng តែម្ដង ដែលជាព្រឹត្តិការណ៍ប្រកួតពោរពេញទៅដោយភាពរំភើប រន្ធត់ញាប់ញ័រ លាយឡំនឹងអារម្មណ៍សប្បាយរីករាយ។

ហើយអ្នកតែងតែទទួលបានអារម្មណ៍ទាំងនេះក្រោយគេមែនទេ? ទាល់តែមិត្តភ័ក្ដិរបស់អ្នកមកនិយាយប្រាប់អ្នកបានអ្នកយល់ និងទទួលបានអារម្មណ៍បែបនេះ? ធុញនឹងអារម្មណ៍ដែលទទួលបានព័ត៌មានពីព្រឹត្តិការណ៍ប្រកួត CCC ក្រោយគេ? Sabaytv អាចជួយអ្នកបាន!

មិនខុសពី CCC 2013 សម្រាប់ CCC 2014 នេះ Sabay TV ក៏នឹងចូលខ្លួនមកបម្រើអារម្មណ៍ទស្សនិកជនដែលមិនបានមកចូលរួមទស្សនាព្រឹត្តិការណ៍ CCC ភ្នំពេញ ២០១៤ នៅសាលមហោស្រពចេនឡាដោយផ្ទាល់ ក៏អាចមានឱកាសទទួលបានអារម្មណ៍រំភើបញាប់ញ័រ ដូចអ្នកដែលបានបង្ហាញវត្តមាននៅក្នុងព្រឹត្តិការណ៍ CCC 2014 ដោយផ្ទាល់ផងដែរ ព្រោះទូរទស្សន៍អនឡាញដំបូងគេប្រចាំប្រទេសកម្ពុជា SabayTV នឹងធ្វើការផ្សាយផ្ទាល់នៅលើគេហទំព័រ Sabay.tv។

បន្ថែមពីការទស្សនាការប្រកួតដ៏អស្ចារ្យ ប្រិយមិត្តក៏អាចធ្វើការ Comment ឆ្លើយឆ្លងនិយាយពិភាក្សាពីព្រឹត្តិការណ៍ប្រកួត ក៏ដូចជាជ័យជម្នះ ឬបរាជ័យរបស់ក្រុមនីមួយៗ និងជជែកលេងកម្សាន្តឌឺដងគ្នាក៏បានដែរ។

សូមទស្សនាវីដេអូផ្សាយផ្ទាល់តាមអនឡាញខាងក្រោមនេះ

http://youtu.be/tOKMMkxBNbE

អត្ថបទ៖ ភីឆាយ