ផ្អែមល្ហែម ទន់ភ្លន់យូរហើយ! ថ្ងៃនេះក្រោកពីគេងភ្លាម ខៀវ សានសាណា សច្ចាចំពោះជាតិមាតុភូមិយ៉ាងមោះមុត

2021-02-02 02:33:44
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងជាពិធីការិនី ខៀវ សានសាណា ដែលធ្លាប់តែប្រើពាក្យទន់ភ្លន់ទៅកាន់មហាជន ស្រាប់តែនៅថ្ងៃទី២ ខែកុម្ភៈ នេះ ក្រោកពីដំណេកភ្លាម នាងបានសច្ចាយ៉ាងមោះមុតចំពោះបុព្វហេតុជាតិមាតុភូមិ ក្នុងនាមជាកាយឫទ្ធិនារីកម្ពុជា។

ស្ថិតនៅក្នុងឯកសណ្ឋានជាកាយឫទ្ធិនារីកម្ពុជា ជាមួយមិត្តភ័ក្ដិជាច្រើននាក់ទៀត អ្នកនាង ខៀវ សានសាណា បានភ្ជាប់រូបថតនោះជាមួយសារមួយដែលមានខ្លឹមសារដើមថា៖"ខ្ញុំម្ចាស់ នាងខ្ញុំខៀវ សានសាណា សូមយកកិត្តិយសមកសច្ចាថា បំរើជាតិ សាសនា ព្រះមហាក្សត្រ ជួយអ្នកដទៃរាល់ពេលវេលា និងគោរពច្បាប់កាយឫទ្ធិនារីកម្ពុជា។ ក្រោកឈរឡើង ឈរអោយរឹងមាំ ឈររួមគ្នាកសាងសន្តិភាព"។

តារាស្រីដ៏មានប្រជាប្រិយភាពរូបនេះ មិនបានបញ្ជាក់លើការសច្ចាប្រណិធាននេះក្នុងឱកាសអ្វី ហើយនាងមានតួនាទីអ្វីក្នុងកាយឫទ្ធិនារីកម្ពុជានោះទេ ប៉ុន្ដែបើយោងតាមរូបភាពដែលនាងបានបញ្ចេញ គឺជារូបភាពស្ថិតនៅក្នុងអង្គប្រជុំ ឬពិធីជួបជុំធំមួយដែលបណ្ដុំដោយកាយឫទ្ធិកម្ពុជា។

ក្នុងវ័យ៣៦ឆ្នាំ អ្នកនាង ខៀវ សានសាណា នៅតែមានរូបសម្ផស្សស្រស់ស្អាត ហើយក៏មមាញឹកខ្លាំងក្នុងការងារសិល្បៈដែរ។ ក្រៅពីចាប់យកអាជីពសម្ដែង ដើរម៉ូត និងពិធីការិនីតាមកម្មវិធីផ្សេងៗ តារាស្រីរូបនេះក៏បានឆ្លៀតពេលច្រើនណាស់ដែរក្នុងកិច្ចបម្រើជាតិមាតុភូមិតាមរយៈកាយឫទ្ធិនារីកម្ពុជា៕

អត្ថបទ៖ ជិន សុភ័ក្ដ្រ