ប្លែកហួស! កូនប្រុសពៅរបស់ព្រាប សុវត្ថិ និពន្ធបទស្ទាវឲ្យឪពុកចម្រៀងឡើងញាប់ស្មេរ

2021-02-02 03:26:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនប្រុសទី៣របស់កំពូលតារាចម្រៀង ព្រាប សុវត្ថិ គឺលោក សុវត្ថិ សិរីវុឌ្ឍ បានបង្កើតចំណាប់អារម្មណ៍ថ្មីមួយទៀតនៅដើមខែកុម្ភៈ ឆ្នាំ២០២១ នេះ ដល់ប្រិយមិត្ត តាមរយៈការនិពន្ធបទញាក់កន្ត្រាក់អារម្មណ៍ថ្មីមួយសម្រាប់ឲ្យឪពុកច្រៀង។

បទ"GANG GANG" របស់ផលិតកម្មGalaxyដែលបានបង្ហោះនៅបណ្ដាញសង្គមYoutube នៅព្រឹកនេះ ទទួលបានការចាប់អារម្មណ៍យ៉ាងខ្លាំង ដោយបង្ហោះមិនបានប៉ុន្មានម៉ោងផងមានអ្នកចូលទស្សនារហូតដល់ជិត៣ម៉ឺនដង។

ថ្វីត្បិតថាលោក ព្រាប សុវត្ថិ មានវ័យជ្រេទៅហើយ ប៉ុន្តែតាមរយៈតុងក្នុងបទដែលប្រើសំឡេងញាប់ស្មេរនេះ លោកបានដាក់អារម្មណ៍ និងច្រៀងបានយ៉ាងពីរោះត្រូវចិត្ដយុវវ័យតែម្ដង។

នេះជាលើកទី១ហើយ ដែលកូនប្រុសរបស់កំពូលតារាចម្រៀង ព្រាប សុវត្ថិ កំពុងជ្រកក្រោមផលិតកម្ម Galaxy Navatraគឺលោក សុវត្ថិ សិរីវុឌ្ឍ បាននិពន្ធបទប្រភេទនេះជូនលោកឪពុកច្រៀងដោយផ្ទាល់ ខណៈដែលរូបលោកក៏ជាតារាចម្រៀងវ័យក្មេងនិយមច្រៀងបទបែបញាក់កន្ត្រាក់អារម្មណ៍ និងរ៉េបនៅក្នុងផលិតកម្មដ៏ធំមួយផ្សេងទៀតដែរនោះ៕

អត្ថបទ៖ ជិន សុភ័ក្ដ្រ